20 قازاندا ورتالىق سايلاۋ كوميسسياسى گۇلنار تويلىباەۆانى قۇرىلتاي دەپۋتاتى رەتىندە تىركەدى، دەپ حابارلايدى «ادىرنا» ءتىلشىسى.
توراعا نۇرلان ءابدىروۆ جاڭا دەپۋتاتقا كۋالىك پەن توسبەلگى تابىستادى.
«قازاقستان رەسپۋبليكاسىنىڭ قۇرىلتايى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋتسيالىق زاڭىنىڭ 44-بابىنا سايكەس قۇرىلتاي دەپۋتاتىنىڭ وكىلەتتىگى ورتالىق سايلاۋ كوميسسياسى ونى دەپۋتات رەتىندە تىركەگەن ساتتەن باستالادى. ءسىزدىڭ مول كاسىبي تاجىريبەڭىز ەلدەگى زاڭ شىعارۋ بيلىگىن جۇزەگە اسىراتىن جوعارى وكىلدى ورگاندا ءتيىمدى جۇمىس ىستەۋگە مۇمكىندىك بەرەتىنىنە سەنىمدىمىن»، - دەدى ول.
ايتا كەتەيىك، گۇلنار تويلىباەۆا بۇعان دەيىن وبلىستىق ءماسليحاتتىڭ حاتشىسى جانە توراعاسى قىزمەتتەرىن اتقارعان. ول قۇرىلتاي دەپۋتاتى بولعانعا دەيىن جەتىسۋ وبلىسى اكىمىنىڭ كەڭەسشىسى بولعان.
قۇرىلتايداعى ورىن وكىلەتتىگى مەرزىمىنەن بۇرىن توقتاتىلعان تاتيانا ساۆەلەۆادان كەيىن بوساعان ەدى، ول قورعانىس ءمينيسترىنىڭ ورىنباسارى بولىپ تاعايىندالدى.
