الاكولدە كاتەردەن سەكىرگەن 17 جاستاعى ءجاسوسپىرىم سۋعا باتىپ كەتتى. قازىرگى تاڭدا قىلمىستىق ءىس قوزعالدى، دەپ حابارلايدى «ادىرنا» ءتىلشىسى.
قايعىلى جاعداي اباي وبلىسىنا قاراستى جاربۇلاق اۋىلى جاعىنداعى الاكولدە بولعان.
32 جاستاعى قايىق يەسىنە ابايسىزدا ادام ولىمىنە اكەپ سوقتىرعان قاۋىپسىزدىك تالاپتارىنا ساي كەلمەيتىن جۇمىستاردى ورىنداعانى نەمەسە قىزمەت كورسەتكەنى ءۇشىن سوتقا دەيىنگى تەرگەۋ باستالدى.
«سۋعا تۇسۋگە ارنالماعان اۋماقتا، جاعادان 500 مەتردەي قاشىقتىقتا 17 جاستاعى بوزبالا قۇتقارۋ كەۋدەشەسىن كيمەي، كاتەردەن سۋعا سەكىرىپ، باتىپ كەتتى»،—دەپ ءتۇسىندىردى وبلىستىق پوليتسيا دەپارتامەنتى.
قازىر قاجەتتى ساراپتامالار كەشەنى تاعايىندالدى. وقيعانىڭ بارلىق ءمان-جايىن انىقتاۋعا باعىتتالعان تەرگەۋ امالدارى جۇرگىزىلىپ جاتىر.
ۇقساس جاڭالىقتار
