ايگىلى امەريكالىق ءانشى دجەننيفەر لوپەستىڭ توبى Up All Night تۋرى اياسىندا قايتادان قازاقستانعا كەلدى، دەپ حابارلايدى "ادىرنا" ۇلتتىق پورتالى.
كوماندا مۇشەلەرى الماتىعا قونىپ، قالاداعى سۋرەتتەرىن الەۋمەتتىك جەلىگە جاريالادى. ءانشىنىڭ بەك-ۆوكاليستەرىنىڭ ءبىرى شەرون يانگبلاد قازاقستاننىڭ سۇلۋلىعىنا تاڭعالعانىن ايتىپ، وتباسىمەن بىرگە دەمالىسقا قايتىپ كەلگىسى كەلەتىنىن جەتكىزدى.
«بۇل تۋر اياسىندا قازاقستانعا ەكىنشى رەت كەلۋىمىز. استانادا دا تامسانعان ەدىم، بىراق الماتىنى كورىپ، بۇكىل ەلدىڭ كەرەمەت ەكەنىن ءتۇسىندىم. مۇندا وتباسىمدى الىپ كەلۋىم كەرەك»، – دەدى ول.
ەسكە سالساق، دجەننيفەر لوپەس 10 تامىز كۇنى الماتىداعى ورتالىق ستاديوندا كونتسەرت بەرەدى.
ۇقساس جاڭالىقتار
