عىلىم جانە جوعارى ءبىلىم ءمينيسترى ساياسات نۇربەك جاتاقحاناعا ورنالاسۋعا كەلگەن، قالادا تۋىستارى جوق ستۋدەنتتەر داعدارىس ورتالىعىندا تۇنەپ شىعا الاتىنىن ايتتى، دەپ حابارلايدى "ادىرنا".
ء«بىزدىڭ داعدارىس ورتالىعىندا قيىن جاعدايدا قالعان ستۋدەنتتەر ءۇشىن ارنايى 55 ورىن بولىنگەن. مىسالى، تۇنگى ۇشتە قالاعا كەلگەن ستۋدەنتتى، ەگەر ەشكىمگە حابارلاسا الماي، جاتاقحانا جابىق تۇرىپ، باراتىن جەرى بولماسا، ءبىز بىردەن داعدارىس ورتالىعىنا جىبەرەمىز. الگى بالا سول جەردە تۇنەپ، تاڭەرتەڭ اسىقپاي جاتاقحاناسىن ىزدەيدى»، - دەپ ءتۇسىندىردى ساياسات نۇربەك ۇكىمەتتە وتكەن ءباسپاسوز ءماسليحاتىندا.
ءمينيستردىڭ ايتۋىنشا، قازىر الماتىنى قوسپاعاندا بارلىق وڭىردە جاتاقحانا ماسەلەسى شەشىلگەن. ال الماتى شاھارىندا ءالى 10 مىڭعا جۋىق توسەك-ورىن تاپشى. سوندىقتان جاتاقحاناعا جايعاستىرۋ كەزىندە باسىمدىق ءبىرىنشى كۋرس ستۋدەنتتەرىنە بەرىلەدى.
«بىزدە احۋال ورتالىعى ىسكە قوسىلعان، وتكەن اپتادا رەسمي تۇردە اشتىم»، - دەگەن ول احۋال ورتالىعىنىڭ الماتى قالاسى بويىنشا بايلانىس نومىرلەرىن كورسەتتى.
«ەگەر ۋنيۆەرسيتەت جاتاقحانا تۋرالى اقپارات ۇسىنباسا نەمەسە جاتاقحانادان ورىن جەتپەسە، ستۋدەنتتەر وسى احۋال ورتالىعىنا جۇگىنە الادى. مۇنداي جاعدايدا ءبىز باسقا جوعارى وقۋ ورىندارىنان بوس ورىن ىزدەيمىز. ياعني ءبىر ۋنيۆەرسيتەتتە ارتىق ورىندار قالسا، ءبىز وعان باسقا ۋنيۆەرسيتەتتىڭ ستۋدەنتتەرىن جايعاستىرامىز»، - دەدى ساياسات نۇربەك.
مينيسترلىك جاتاقحانادان ورىن جەتپەگەن ستۋدەنتتەردى حوستەلگە دە ورنالاستىرادى.
«بۇل ءۇشىن ارنايى كوميسسيا قۇرىلعان. كوميسسيا بارلىق حوستەلدى جىلىنا ءۇش رەت تەكسەرىپ وتىرادى. ءبىز ستۋدەنتتەردى دالادا قالدىرمايمىز»، - دەپ سەندىردى ۆەدومستۆو باسشىسى.
