30 تامىزدا قازاقستان پرەزيدەنتى قىتايدىڭ تيانتسزين قالاسىنا بارعانى بەلگىلى. شانحاي ىنتىماقتاستىق ۇيىمىنىڭ ءساممميتى مەن "شوس پليۋس" وتىرىسىنىڭ الدىندا قحر توراعاسى سي ءتسزينپيننىڭ قازاقستان كوشباسشىسىمەن كەزدەسكەنى تۋرالى قىتايلىق باق-تار جارىسا جازىپ جاتىر.
قىتاي بۇقارالىق اقپارات قۇرالدارى قازاقستان باسشىسىنىڭ بۇل ساپارىنا كەڭ كولەمدە نازار اۋدارىپ، ءار جولى كەلىسسوزدەردىڭ بەيجىڭنىڭ مۇددەلەرى مەن باسىمدىقتارىن ايقىن كورسەتەتىن قىرلارىنا ەرەكشە توقتالدى.
قىتايدىڭ رەسمي Xinhua اگەنتتىگىكەزدەسۋ بارىسىن تاريحي تۇرعىدان سيپاتتادى.
جۋرناليستەر اتاپ وتكەندەي، قاسىم-جومارت توقاەۆتىڭ ساپارى ەكىنشى دۇنيەجۇزىلىك سوعىستاعى جەڭىستىڭ 80 جىلدىعىنا ارنالعان ءىس-شارالارمەن تۇسپا-تۇس كەلدى. قىتاي تاراپى ءۇشىن بۇل سيمۆولدىق مانگە يە: قازاقستاننىڭ وسىنداي ماڭىزدى شارالارعا قاتىسۋى ەكى ەلدىڭ جاقىندىعىن جانە ءوزارا سەنىمگە نەگىزدەلگەن قاتىناستارىن ايقىن كورسەتەدى.
الەمدە قانداي وزگەرىستەر ورىن السا دا، قىتاي مەن قازاقستان كورشىلەستىك پەن دوستىق ساياساتىن ۇستانىپ، ءادىل حالىقارالىق ءتارتىپ ورناتۋعا كۇش سالۋى ءتيىس", - دەپ اتاپ ءوتتى سي تسزينپين.
ال CGTN تەلەارناسىوز باسىمدىقتارىن باسقاشا قويدى. مۇندا باستى نازار كەلىسسوزدەردىڭ ناقتى ناتيجەلەرىنە باعىتتالدى. كورەرمەندەرگە ەكى ەلدىڭ ەنەرگەتيكادان باستاپ تەحنولوگيا، ءبىلىم، سپورت جانە جابايى تابيعاتتى قورعاۋعا دەيىنگى سالالاردى قامتيتىن 20-دان استام كەلىسىمگە قول قويعانى ەسكە سالىندى. سونداي-اق تەلەارنا توقاەۆتىڭ مىنا سوزىنە نازار اۋداردى:
قازاقستان مەن قىتاي قارىم-قاتىناستارى تاريحتاعى ەڭ جوعارى دەڭگەيىنە جەتتى»دەگەن ءسوزىن كەلتىردى. ول وتكەن جىلعى ەكىجاقتى ساۋدانىڭ رەكوردتىق كورسەتكىشتەرگە قول جەتكىزگەنىن اتاپ ءوتتى. ءوز كەزەگىندە سي تسزينپين: «استانا مەن بەيجىڭ ءبىر-ءبىرىن باتىل قولداپ، ىنتىماقتاستىقتى جاڭا دەڭگەيگە كوتەرۋى ءتيىس، - دەدى قازاقستان كوشباسشىسى.
ۇكىمەتتىك gov.cn پورتالىجاعدايدى اناعۇرلىم ۇستامدى تۇردە كورسەتتى. مۇندا قول قويىلعان قۇجاتتاردىڭ ەگجەي-تەگجەيىنە توقتالماي، ديپلوماتيالىق تۇجىرىمدارعا باسىمدىق بەرىلدى.
حالىقارالىق جاعدايداعى وزگەرىستەرگە قاراماستان، قىتاي مەن قازاقستان ارقاشان جاقسى كورشى ءارى سەنىمدى سەرىكتەس بولىپ قالا بەرۋى كەرەك، - دەگەن سي ءتسزينپيننىڭ ءسوزى كەلتىرىلدى.
ال قىتايدىڭ سىرتقى ىستەر مينيسترلىگىوز مالىمدەمەسىندە سەرىكتەستىكتىڭ ستراتەگيالىق سيپاتىنا ەكپىن قويدى. ۆەدومستۆو قىتاي مەن قازاقستاندى ء«بىر-بىرىنە سەنەتىن ءارى ارقا سۇيەيتىن كورشىلەر»دەپ سيپاتتادى. سونداي-اق ەنەرگەتيكا سالاسىنداعى ىنتىماقتاستىقتىڭ، كولىك دالىزدەرىن دامىتۋدىڭ جانە مادەني الماسۋلاردىڭ ماڭىزدىلىعىنا نازار اۋدارىلدى. بۇل، اسىرەسە، الداعى ەكى ەل اراسىنداعى مادەني الماسۋ جىلىاياسىندا ەرەكشە مانگە يە.
جالپى، قىتايدىڭ جەتەكشى اقپارات قۇرالدارى ءبىر پىكىردە: توقاەۆ پەن سي ءتسزينپيننىڭ تيانتسزيندەگى كەزدەسۋى ستراتەگيالىق سەرىكتەستىكتى نىعايتۋدىڭ ماڭىزدى قادامى بولدى. دەگەنمەن، ءاربىر دەرەككوز ءوز قىرىنان قاراستىردى: Xinhua– تاريحي ساباقتاستىقتى، CGTN– پراكتيكالىق ناتيجەلەردى، ال gov.cnمەن قحر ءسىم – رەسمي ديپلوماتيالىق ءتىل مەن ستراتەگيالىق ىنتىماقتاستىقتى العا تارتتى.
