ەGov: سبەرمەن قاتار قىتايداعى سەرىكتەستەر دە ءوز قىزمەتىن ۇسىنۋدا

1392

مەملەكەتتىك تسيفرلاندىرۋ پلاتفورماسىن اۋىستىرۋعا رەسەيلىك "سبەرمەن" قاتار قىتايداعى سەرىكتەستەر دە ءوز قىزمەتىن ۇسىندى. بۇل تۋرالى قازاقستاننىڭ تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين مالىمدەدى، دەپ حابارلايدى "ادىرنا" ۇلتتىق پورتالى.

مينيستر "سبەرمەن" اراداعى قول قويىلعان مەموراندۋم قازاقستانعا ەشتەڭە مىندەتتەمەيتىنىن ايتتى. مۋسين ىنتىماقتاستىق ماسەلەسى ساياسي ەمەس، تەحنولوگيالىق ماسەلە ەكەنىن جانە كەلىسىم جاسالعان جاعدايدا جۇمىستار جەكەلەگەن كومپانيامەن جۇرگىزىلەتىنىن مالىمدەدى. قازاقستان قويىپ وتىرعان باستى تالاپ – اشىق كودتاردى ۇسىنۋ. بۇل وتاندىق پلاتفورماداعى اقپارات قاۋىپسىزدىگىن تولىق قامتاماسىز ەتۋگە مۇمكىندىك بەرەدى.

- 30 جىل بويى ءبىز تەحنولوگيانى كىمنەن الىپ وتىرعانىمىز ەشكىمدى مازالاعان جوق. زاڭ بويىنشا ءبىز پلاتفورماعا تولىق اناليز، تەحنيكالىق ساراپتاما جۇرگىزۋ كەرەكپىز. ءبىز ءتۇرلى كومپانيالارمەن كەلىسسوز جۇرگىزدىك. باستى تالاپ – اشىق كودتار. ازىرشە وسى شارت بويىنشا بىزگە قىتايدان ۇسىنىس كەلىپ ءتۇستى. ولاردىڭ دا بىزگە قوياتىن تالاپتارى بار. اززىرشە كەلىسسوز جۇرگىزبەدىك، - دەگەن مينيستر جاريا ەتپەۋ تۋرالى كەلىسىمگە بايلانىستى قىتايمەن كەلىسسوز ءمان-جايىنا تولىعىراق توقتالا المايتىنىن مالىمدەدى.

ەسكە سالايىق، بيىل قىركۇيەكتە قازاقستاننىڭ پرەمەر-ءمينيسترى اسقار مامين مەن سبەربانك باسشىسى گەرمان گرەف قازاقستاندى تسيفرلاندىرۋ جوبالارى، تسيرفلاندىرۋدىڭ پلاتفورمالىق ۇلگىسىنە جانە Data-Driven Government تۇجىرىمداماسىنا كوشۋ بويىنشا ىنتىماقتاستىق تۋرالى مەموراندۋمعا قول قويدى.

"ادىرنا" ۇلتتىق پورتالى

 

پىكىرلەر
ۇقساس جاڭالىقتار
Серіктес/Партнер
Студия IMA - создание сайтов