قاراعاندىداعى پوليتسيانىڭ تىرەك پۋنكتەرىنىڭ بىرىنەن ايەل ادامنىڭ ءمايىتى تابىلدى. وقيعا ورنىندا ەس-ءتۇسسىز جاتقان پوليتسەي قىزمەتكەرى دە بولعان، دەپ حابارلايدى «ادىرنا» ءتىلشىسى.
وبلىستىق پوليتسيا دەپارتامەنتى ازاماتشانىڭ دەنەسىنىڭ تابىلۋىنا بايلانىستى قىلمىستىق ءىس قوزعالعانىن مالىمدەدى. ەر ادام مەديتسينالىق مەكەمەگە جەتكىزىلگەن.
«قازىرگى ۋاقىتتا جاعدايدىڭ ءمان-جايى مەن ايەلدىڭ ءولىم سەبەبى انىقتالىپ جاتىر. وبەكتيۆتى تەكسەرۋ ءۇشىن ارنايى جەدەل-تەرگەۋ توبى قۇرىلدى، سونداي-اق قىزمەتتىك تەرگەۋ تاعايىندالدى. بارلىق ءىس-ارەكەت مۇقيات تەكسەرىلىپ، كىنالى تۇلعالار قاتاڭ جاۋاپكەرشىلىككە تارتىلادى»،–دەلىنگەن حابارلامادا.
ۇقساس جاڭالىقتار
