ترانسپلانتتاۋدى جانە جوعارى تەحنولوگيالىق مەديتسينالىق قىزمەتتى ۇيلەستىرۋ جونىندەگى رەسپۋبليكالىق ورتالىق استانادا اعزا دونورلىعى مەن ترانسپلانتاتسياسىنىڭ ەۋروپالىق كۇنىنە ورايلاستىرىلعان ء«ۇمىت سىيلاعان شەشىم» فورۋمىن ۇيىمداستىردى.
ءىس-شارا مەملەكەتتىك ورگانداردىڭ، حالىقارالىق ۇيىمداردىڭ، مەديتسينالىق قوعامداستىقتىڭ، قوعامدىق جانە ءدىني ۇيىمداردىڭ، باق وكىلدەرىن بىرىكتىردى.
«ترانسپلانتولوگيانى دامىتۋ - دەنساۋلىق ساقتاۋ سالاسىنداعى مەملەكەتتىك ساياساتتىڭ ستراتەگيالىق باعىتى.
بۇگىنگى كۇنى ترانسپلانتاتسيا كوپتەگەن جاعدايلاردا اۋىر سوزىلمالى اۋرۋلاردى ەمدەۋدىڭ جالعىز ءتيىمدى ءادىسى بولىپ قالا بەرۋدە جانە پاتسيەنتتەرگە تولىققاندى ءومىر سۇرۋگە مۇمكىندىك بەرەدى. بىراق ەڭ ماڭىزدىسى — قايتىس بولعاننان كەيىنگى دونورلىق جۇيەسىنە قوعامنىڭ سەنىمىن قالىپتاستىرۋ»،– دەپ اتاپ ءوتتى دەنساۋلىق ساقتاۋ ءمينيسترى اقمارال ءالنازاروۆا ءوزىنىڭ قۇتتىقتاۋ سوزىندە.
بۇگىندە قازاقستاندا 4300-دەن استام ادام، ونىڭ ىشىندە 121 بالا اعزا ترانسپلانتاتسياسىن كۇتۋدە. ءاربىر دونور جەتى ادامنىڭ ءومىرىن ساقتاي الادى، سوندىقتان دونورلىق مادەنيەتتى دامىتۋ قوعام ءۇشىن ماڭىزدى مىندەتكە اينالادى.
2012 جىلى ەلىمىزدە العاشقى جۇرەك ترانسپلانتاتسياسى جاسالعاننان بەرى قازاقستاندىق دارىگەرلەر باۋىر، بۇيرەك، جۇرەك، ءمولدىر قابىق، ال 2015 جىلدان باستاپ وكپە ترانسپلانتاتسياسىن دا مەڭگەردى.
جاقىن ارادا - بالالارعا جۇرەك پەن باۋىر ترانسپلانتاتسياسىن جۇرگىزۋ، سونداي-اق اعزا كەشەندەرىن ترانسپلانتاتتاۋ جوسپارلانعان.
ورتا ەسەپپەن جىل سايىن 200–300 پاتسيەنتكە اعزا ترانسپلانتاتسياسى جاسالادى. ءومىر ءسۇرۋ كورسەتكىشتەرى الەمنىڭ جەتەكشى كلينيكالارىنىڭ ناتيجەلەرىمەن سالىستىرىلادى: بۇيرەك رەتسيپيەنتتەرىندە – 95–97%، باۋىر رەتسيپيەنتتەرىندە – 85%، جۇرەك رەتسيپيەنتتەرىندە – 86%.
جۇمىستى ۇيلەستىرۋ ءۇشىن بارلىق وڭىرلەردەگى وكىلدىكتەرى بار رەسپۋبليكالىق ترانسپلانتتاۋدى ۇيلەستىرۋ ورتالىعى قۇرىلدى.
دەنساۋلىق ساقتاۋ جۇيەسىندە تسيفرلاندىرۋ بەلسەندى دامۋدا: دونورلار مەن رەتسيپيەنتتەردى ەسەپكە الۋدىڭ اقپاراتتىق جۇيەسى ەنگىزىلدى، ول دەرەكتەردى اۆتوماتتى تۇردە سالىستىرادى جانە «كۇتۋ پاراعىنداعى» پاتسيەنتتەر ءۇشىن اعزالاردى ىرىكتەيدى.
سونىمەن قاتار، زاڭناما جەتىلدىرىلۋدە: «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە جانە زاڭعا تاۋەلدى اكتىلەرگە قاجەتتى وزگەرىستەر ەنگىزىلدى.
الايدا اعزا دونورلىعىنىڭ جەتىسپەۋشىلىگى ءالى دە نەگىزگى ماسەلە بولىپ وتىر. قازاقستاندا قايتىس بولعاننان كەيىنگى دونورلىق دەڭگەيى تومەن كۇيىندە قالىپ وتىر، ال بۇل تۇيتكىلدى تەك بىرلەسكەن كۇش-جىگەر ارقىلى عانا شەشۋ مۇمكىن.
ساراپشىلاردىڭ ايتۋىنشا، شەشۋشى ءرول قوعامعا تيەسىلى. سوندىقتان دونورلىق جۇيەگە دەگەن سەنىمدى كۇشەيتۋ، ونىڭ ەتيكالىق نەگىزدەرىن ءتۇسىندىرۋ جانە قالىپتاسقان ميفتەردى سەيىلتۋ ەرەكشە ماڭىزدى.
بۇل ۇدەرىستە قاراپايىم شىندىقتى جەتكىزە الاتىن دارىگەرلەرگە، ءدىني قىزمەتكەرلەرگە، الەۋمەتتانۋشىلارعا، پسيحولوگتارعا جانە بۇقارالىق اقپارات قۇرالدارىنا ەرەكشە ميسسيا جۇكتەلەدى: ءبىر عانا شەشىم بىرنەشە ادامنىڭ ءومىرىن قۇتقارىپ قالۋى مۇمكىن.
