قازاقستاندىق ۆولەيبولشى سابينا التىنبەكوۆاعا جاڭا اۆتوكولىك سىيعا بەرىلدى، دەپ حابارلايدى "ادىرنا" ۇلتتىق پورتالى.
سپورتشىنىڭ ايتۋىنشا، سىيلىق ونىڭ 29 جاسقا تولۋىنا وراي جاسالعان. تۋعان كۇنى 5 قاراشا بولعانىمەن، ول سىيلىقتارىن قازىردىڭ وزىندە الا باستاعانىن ايتتى.
"تۋعان كۇنىمە ءالى ءبىر اي بار، ال ەكى اپتا بۇرىن العاشقى سىيلىعىمدى الدىم. بۇل – بۇرىن مىنگەن كولىكتەردىڭ ىشىندەگى ەڭ ىڭعايلى ءارى زاماناۋيسى. العىس بىلدىرەمىن", – دەپ جازدى سابينا الەۋمەتتىك جەلىدەگى پاراقشاسىندا.
جاريالانعان سۋرەتتەگى كولىك Exeed VX كروسسوۆەرى بولۋى مۇمكىن – بۇل Exeed پرەميۋم برەندىنىڭ فلاگماندىق مودەلى. ايتا كەتەيىك، بۇعان دەيىن ءدال وسىنداي اۆتوكولىك 18 جاستاعى «قايرات» قاقپاشىسى شەرحان قالمىرزاعا دا سىيلانعان ەدى.
ۇقساس جاڭالىقتار
