ءماجىلىس دەپۋتاتى نيكيتا شاتالوۆ قوعامدىق كولىك اقىسىن 500 تەڭگەگە دەيىن كوتەرۋ تۋرالى ۇسىنىستى سىنعا الدى. ول مۇنداي ءتاريفتى قازاقستاندىقتاردىڭ قالتاسى كوتەرمەيتىنىن ايتتى، دەپ حابارلايدى «ادىرنا» ءتىلشىسى.
«قوعامدىق كولىك الەمنىڭ بارلىق ەلىندە سۋبسيديالانادى. ول «قوعامدىق» دەپ بەكەر اتالمايدى، سەبەبى ونى حالىقتىڭ كوپ بولىگى پايدالانادى. ۇسىنىلعان تاريفتەرگە كەلەر بولساق، بۇل ازاماتتاردىڭ ناقتى تابىسىنا ساي كەلمەيدى»،– دەدى دەپۋتات.
شاتالوۆتىڭ ايتۋىنشا، قوعامدىق كولىكتىڭ باستى ماقساتى — پايدا تابۋ ەمەس، تۇرعىندارعا قولايلى جاعداي جاساۋ. سول سەبەپتى ول كولىك، دەنساۋلىق ساقتاۋ جانە ءبىلىم بەرۋ سياقتى سالالار قوعام يگىلىگىن قالىپتاستىراتىنىن، كوممەرتسيالىق تابىس اكەلۋدى كوزدەمەيتىنىن اتاپ ءوتتى.
دەپۋتات ساپانى جاقسارتۋ ءۇشىن ءتاريفتى وسىرۋگە ەمەس، بيۋدجەتتەن قارجىلاندىرىلاتىن كوممۋنالدىق اۆتوپاركتەردىڭ دامۋىنا نازار اۋدارۋدى ۇسىندى.
بۇعان دەيىن مۇناي-گاز سالاسىنىڭ ساراپشىسى ولجاس ءبايدىلدينوۆ استانا مەن الماتىداعى اۆتوبۋس بيلەتى 500 تەڭگە بولۋى كەرەكتىگىن ايتقان ەدى.
