«قايرات» فۋتبول كلۋبىنىڭ جاس قاقپاشىسى شەرحان قالمىرزاعا قاجىلىققا جولداما سىيعا تارتىلدى، دەپ حابارلايدى «ادىرنا» ءتىلشىسى.
وقيعانىڭ بەينەجازباسى الەۋمەتتىك جەلىدە تارادى. الماتىدا وتكەن تويلاردىڭ بىرىندە شەرحانعا ۋمرا قاجىلىعىنا ارنالعان ارنايى سەرتيفيكات تابىستالعان.
بۇعان دەيىن جەكە كاسىپكەر ۇلىقبەك ءشارىپوۆ جاس سپورتشىعا اۆتوكولىك سىيعا تارتقان بولاتىن. ودان بولەك، شەرحان قالمىرزاعا عىلىم جانە جوعارى ءبىلىم مينيسترلىگى ءبىلىم گرانتىن تابىستاعان.
ايتا كەتەيىك، «قايراتتىڭ» جاس قاقپاشىسى چەمپيوندار ليگاسىندا مادريدتىك «رەالعا» قارسى ويىندا تاماشا ونەر كورسەتىپ، قازاقستاندىقتاردىڭ ىقىلاسىنا بولىنگەن ەدى.
ۇقساس جاڭالىقتار
