اتىراۋ قالاسىندا پريۆوكزالنىي شاعىناۋدانىنداعى پاتەرلەردىڭ بىرىنەن سانيتارلىق-ەپيدەميولوگيالىق قىزمەت ماماندارى كىشكەنتاي بالاسى بار وتباسىن وتە لاس، انتيسانيتاريالىق جاعدايدا ءومىر ءسۇرىپ جاتقان كۇيىندە انىقتادى، دەپ حابارلايدى “ادىرنا” ۇلتتىق پورتالى.
بۇل تۋرالى الەۋمەتتىك جەلىدە تارادى.
كورشىلەردىڭ شاعىمىنان كەيىن سانيتارلىق-ەپيدەميولوگيالىق باقىلاۋ دەپارتامەنتى ماماندارى پاتەردىڭ ەسىگىن اشقاندا، تاۋ بوپ ۇيىلگەن قوقىس پەن ساسىق يىسكە تاپ بولعان. ارنايى قورعانىس كيىمىمەن ارەڭ كىرگەن ماماندار ۇيدە ادامدار تۇرىپ جاتقانىن، ءتىپتى ءبىر بولمەدە كىشكەنتاي بالانىڭ جاتقانىن انىقتاعان.
بەلگىلى بولعانداي، اتا-انا كىشكەنتاي بالاسىمەن بىرگە قوقىستىڭ اراسىندا ءومىر ءسۇرىپ كەلگەن. تەكسەرۋ بارىسىندا پاتەر تۇرعىندارى پوليتسيا بولىمىنە جەتكىزىلدى.
كورشىلەردىڭ ايتۋىنشا، ولار پاتەردەن شىعاتىن قولقانى قاباتىن يىسكە بايلانىستى بىرنەشە رەت ءارتۇرلى قىزمەتتەرگە شاعىمدانعانىمەن، ناقتى شارا تەك جاعداي ۋشىعىپ كەتكەن سوڭ عانا قابىلدانعان.
قازىر كوممۋنالدىق قىزمەت وكىلدەرى پاتەردەن قوقىستى شىعارىپ، دەزينفەكتسيا جۇمىستارىن جۇرگىزۋگە دايىندالۋدا.
