وبلىستا «زاڭ مەن ءتارتىپ» جوباسىنىڭ اياسىندا ء«تارتىپتى وزىڭنەن باستا» اتتى اۋقىمدى اكتسيا ۇيىمداستىرىلىپ، ەرىكتىلەر پوليتسيا قىزمەتكەرلەرىنىڭ جۇمىسىمەن جاقىننان تانىستى،- دەپ حابارلايدى وڭىرلىك كوممۋنيكاتسيالار قىزمەتى.
ءىس-شارا بارىسىندا ەرىكتىلەر بىرنەشە ساعات بويى ءتارتىپ ساقشىلارىمەن بىرگە جۇمىس جاساپ، قۇقىق قورعاۋ سالاسىنىڭ قىزمەتىن جاقسىراق تۇسىنۋگە، قوعامدىق ءتارتىپتى ساقتاۋدىڭ جاۋاپكەرشىلىگىن سەزىنۋگە مۇمكىندىك الدى. سونىمەن قاتار قۇقىقبۇزۋشىلىقتىڭ الدىن الۋ، قۇقىقتىق ساۋاتتىلىقتى ارتتىرۋ جانە ازاماتتىق جاۋاپكەرشىلىكتى قالىپتاستىرۋ تاقىرىپتارى تالقىلاندى.
اكتسيانىڭ نەگىزگى ماقساتى — قوعامدا قۇقىقتىق مادەنيەتتى قالىپتاستىرۋ، جاس ۇرپاق اراسىندا ءتارتىپ پەن زاڭدى ساقتاۋدىڭ ماڭىزىن ءتۇسىندىرۋ، سونداي-اق ەرىكتىلەر مەن پوليتسيا قىزمەتكەرلەرىنىڭ اراسىنداعى ىنتىماقتاستىقتى نىعايتۋ. بۇل اكتسيا جاستاردىڭ قۇقىقتىق مادەنيەتىن نىعايتىپ قانا قويماي، ەرىكتىلەر مەن پوليتسيا قىزمەتكەرلەرى اراسىنداعى ىنتىماقتاستىقتى ودان ءارى دامىتۋعا جول اشتى،- دەدى اتىراۋ وبلىسىنىڭ جاستار رەسۋرستىق ورتالىعىنىڭ مامانى ءالي تولەگەن.
ءىس-شاراعا بولاشاقتا ءتارتىپ ساقشىسى بولۋدى ارماندايتىن 15 وقۋشى قاتىستى. ايتا كەتسەك، مۇنداي اكتسيا وڭىردە العاش رەت ۇيىمداستىرىلىپ وتىر.
