اتىراۋلىق 21 جاستاعى قىز 18 جاستاعى جىگىتتەن اقشا بوپسالاپ، بەرمەيتىن بولا، زورلادى دەپ پوليتسياعا ارىز جازاتىنىن ايتقان، دەپ حابارلايدى «ادىرنا» ۇلتتىق پورتالى Polisia.kz سايتىنا سىلتەمە جاساپ.
اقشا بوپسالاۋ جاعدايى بىرنەشە رەت بولعان. قىز العاشقىدا 2 ميلليون تەڭگە السا، كەيىن 1,5 ميلليون تەڭگە سۇراعان. ال جىگىت بولعان وقيعانى پوليتسياعا حابارلاپ، كومەك سۇرادى.
ول وسى ۋاقىتقا دەيىن قىزدىڭ ءوزىن بوپسالاپ كەلگەنىن، زورلادى دەپ ايىپتايمىن دەپ قورقىتقانىن ايتتى. الايدا جىگىتتىڭ ايتۋىنشا، جىنىستىق قاتىناس ەكىجاقتى كەلىسىممەن بولعان. ولار، ءتىپتى، ءبىر جەردە جۇمىس ىستەپتى. جىگىتتىڭ قىزدى جاقسى تانيتىنى مەن اتا-اناسىمەن دە تانىسقانىن ايتىپ وتىر.
اتىراۋ وبلىسىنىڭ ەكسترەميزممەن كۇرەس باسقارماسى كۇدىكتىنى 500 مىڭ تەڭگە الىپ جاتقان جەرىنەن ۇستادى. ال تەرگەۋ كەزىندە قىزدىڭ دەكسترۋكتيۆتى ءدىني سەكتانىڭ مۇشەسى بولعانى انىقتالعان.
كۇدىكتىگە قاتىستى قىلمىستىق كودەكستىڭ 194-بابى 1-تارماعى بويىنشا سوتقا دەيىنگى تەرگەۋ باستالدى. 4 مىڭ اەك-كە دەيiن ايىپپۇل نە ءتورت جىلعا دەيiن باس بوستاندىعىن شەكتەۋ، نەمەسە سول مەرزiمگە باس بوستاندىعىنان ايىرۋ جازاسى بار.
"ادىرنا" ۇلتتىق پورتالى
