فۋتبولدان قازاقستان ۇلتتىق قۇراماسىنىڭ بۇرىنعى قاقپاشىسى اندرەي مورەۆ 52 جاسىندا دۇنيەدەن ءوتتى، دەپ حابارلايدى "ادىرنا" ۇلتتىق پورتالى.
ول «جەڭىس»، «وقجەتپەس»، «توبىل» جانە «اقتوبە» كلۋبتارىنىڭ نامىسىن قورعاعان. «اقتوبە» ساپىندا ەكى مارتە قازاقستان چەمپيونى جانە ەل كۋبوگىنىڭ يەگەرى اتانعان. 2005 جىلى مورەۆ ەلدىڭ ەڭ ۇزدىك قاقپاشىسى بولىپ تانىلعان.
ۇلتتىق قۇرامادا ەكى ويىن وتكىزگەن سپورتشى العاشقى كەزدەسۋىندە تۇركيا قۇراماسىنا قارسى ماتچتا پەنالتي سوققىسىن قايتارعان.
قازاقستان فۋتبول فەدەراتسياسى اندرەي مورەۆتىڭ تۋعان-تۋىستارى مەن جاقىندارىنا كوڭىل ايتىپ، ونىڭ ەسىمى قازاقستاندىق فۋتبول تاريحىندا ماڭگى ساقتالاتىنىن جەتكىزدى.
ۇقساس جاڭالىقتار
