وسىدان ءبىر جارىم جىل بۇرىن اۋىلداعى اعام قالادان پاتەر ال دەپ اقشا سالىپ جىبەردى. ىزدەپ ءجۇرىپ، ۇسىنىستارى ۇناعان سوڭ "Jeti Qazyna" دەگەن سالىنىپ باستاپ جاتقان تۇرعىن ءۇي كەشىنەن پاتەر الدىق. مىنە ءبىر جارىم جىل بولدى، پاتەر جوق. اۋىلدا اعام ءۇيسىز وتىر. ەكى ورتادا مەن ىڭعايسىز جاعدايعا قالدىم. ءار ءۇي اي سايىن ەسكەرتۋ جىبەرگەندەي بولادى، سوزىپ قويادى. پاتەردىڭ جارتى اقشاسىن الىپ العان.
باسىندا كومفورت ساناتى دەپ ساتىلعان پاتەرلەر ەندى قاراپايىم ستاندارت بولىپ قالدى. "قازىر الساڭدار اكتسيا بولىپ جاتىر، قۇرىلىس ماتەريالدارىن تەگىن بەرەمىز" دەپ سوققان، كەيىن مەنەدجەر ونداي جوق دەپ قاراپ وتىر. بۇل – ءبىر عانا كەيس. ال وسىنداي مىڭداعان كەيس بار. پاتەردى العاننان كەيىن تاعى قانداي "جىر" باستالادى، ءبىر قۇداي بىلەدى. ال وسىنداي ساپاسىز، الاياق كومپانيانىڭ باسشىسىمەن جولىعۋ پرەزيدەنت مىرزانىڭ وزىنە، اينالاسىنداعى وسى كەزدەسۋدى ۇيىمداستىرىپ جۇرگەن ازاماتتارعا سىن. ايتپاقشى، مىناۋ — بۇگىن جەلىدە تاراپ جۇرگەن كومپانيا باس كەڭسەسىندەگى "كۇن كوسەمنىڭ" ءبيۋستى.
