Dalanews جانە Dalainside رەداكتسيالارىنىڭ تاۋەلسىز جۋرناليستەرى ەلىمىزدەگى ءىرى قۇرىلىس كومپانياسى تاراپىنان قىسىم كورسەتىلىپ جاتقانىن مالىمدەپ، ۇندەۋ جاريالادى.
Dalanews رەداكتسياسىنىڭ مالىمدەۋىنشە، «G-Park» قۇرىلىس كومپانياسى جانە ونىڭ باسشىسى عابيت ساتماعامبەتوۆ تۋرالى ماتەريالدار جاريالانعاننان كەيىن قىسىمعا تاپ بولعان. رەداكتسيا وسىعان قاتىستى قر باس پروكۋرورى ب.اسىلوۆقا، قر مادەنيەت جانە اقپارات ءمينيسترى ا.بالاەۆاعا، ءىىم ءمينيسترى ە.سادەنوۆكە، «ءادىل ءسوز» حالىقارالىق ءسوز بوستاندىعىن قورعاۋ قورىنا، قازاقستان جۋرناليستەر وداعىنا، قازاقستان ترانسپارەنسي قورىنا، Internews-كە، بارلىق اقپارات قۇرالدارى مەن جۋرناليستەرگە رەسمي ۇندەۋ جاسادى.
داۋدىڭ باسى «G-Park» قۇرىلىس كومپانياسىنىڭ باسشىسى عابيت ساتماعامبەتوۆكە قاتىستى شىققان ماتەريالدان باستالعان.
استانا قالاسىنىڭ اكىمى جەڭىس قاسىمبەكتىڭ 2023 جىلعى 22 جەلتوقسانداعى «G-Park كومپانياسىنا جاڭا نىسانداردىڭ قۇرىلىسىن باستاۋعا تىيىم سالۋ» تۋرالى بارلىق باق-تا تاراتىلعان جاريا مالىمدەمەسى، ەكس اكىم التاي كولگىنوۆ وتستاۆكاعا كەتكەننەن كەيىن قۇرىلىس كومپانياسىندا پروبلەمالار باستالعاندىعىن، بۇرىنعى پوليتسيا قىزمەتكەرى ع.ساتماعامبەتوۆتىڭ جاعدايى ءماز ەمەس تۇجىرىمدى راستاي تۇسكەن.
سەبەبى، الدىمەن «G-Gark» جشس «جەنەۆا» مجك نىسانى بويىنشا بويىنشا جوسىقسىز قۇرىلىس سالۋشىلار تىزىمىنە ەنگىزىلدى. ال ودان كەيىن رۇقسات قۇجاتتارى جوق تك قۇرىلىسىنا قاتىستى جانجالدار، 2023 جىلعى تامىزدا كەڭسەدە ۇلەسكەرلەردىڭ ميتينگىلەرى ورىن الدى.
2023 جىلدىڭ 25 جەلتوقسانىندا DALA INSIDE تەلەگرام ارناسىندا «قۋات» وقيعاسى قايتالانادى. «G-Park» قۇرىلىس كومپانياسىنىڭ باسشىسى عابيت ساتماعامبەتوۆ دۋبايدا جاسىرىنۋعا كوشتى» تاقىرىبىمەن ماتەريال جاريالانادى.
اتالعان ماتەريال شىققاننان كەيىن «G-Park» باسشىسى عابيت ساتماعامبەتوۆ ءوزىنىڭ Instagram پاراقشاسىندا استانادا ەكەندىگىن جاريالاپ، رەداكتسياعا جاريالانىمدى جوققا شىعارۋ تۋرالى تالاپ جىبەرەدى.
ساتماعامبەتوۆ ونىمەن توقتاماي 2024 جىلدىڭ 4 قاڭتارىندا استانا قالاسىنىڭ پوليتسيا دەپارتامەنتىنە ارىز جازادى. ول جۋرناليستەردىڭ نەگىزسىز شابۋىلىنا ۇشىراپ، دۋبايعا بارماعاندىعىن العا تارتادى.
وسىدان كەيىن استانا قالاسى پوليتسيا دەپارتامەنتىنىڭ جەدەل تەرگەۋ باسقارماسى 365info.kz جانە DALA INSIDE رەداكتسيا قىزمەتكەرلەرىنەن جاۋاپ الۋ ءۇشىن ولاردى الماتى مەن استانا قالاسىنان شاقىرا باستاعان. باق تۋرالى زاڭنىڭ 20-بابىنا قاراماستان، تەرگەۋشىنىڭ نەگىزگى ماقساتى جۋرناليستەردى داۋلى قۇرىلىس كومپانياسى تۋرالى اقپاراتتى قاي دەرەككوزدەن العانىن اشۋعا ماجبۇرلەۋ بولعان.
قازىرگى ۋاقىتتا رەداكتسيا جۋرناليستەرىن ءتىنتۋ، كەڭسە تەحنيكاسىن الىپ قويۋ جانە قاماۋعا الۋعا سانكتسيا بەرۋ قاۋپى بارى ايتىلدى. استانا قالالىق پوليتسيا دەپارتامەنتىنىڭ تەرگەۋ باسقارماسى ناقتى كۇدىكتىنىڭ جوقتىعىنا جانە رەداكتسيانىڭ اقپاراتتى جاريا ەتپەۋ تۋرالى ەش قۇجاتقا قول قويماعانىنا قاراماستان، اتالعان ءىس تۋرالى اقپاراتتىڭ اشىلعانى ءۇشىن جاۋاپكەرشىلىك بولاتىنىن قايتا-قايتا ەسكەرتۋگە تىرىسىپتى.
ءوز كەزەگىندە Dalanews, DALA INSIDE جانە «قالا مەن دالا» گازەتىنىڭ قۇرىلتايشىسى ءوز جۇمىسىن اتقارعان رەداكتسيا جۋرناليستەرىن اياعىنا دەيىن قورعاۋعا نيەتتى.
«ءبىز «ءادىل ءسوز» حالىقارالىق ءسوز بوستاندىعىن قورعاۋ قورىنا جانە قازاقستان جۋرناليستەر وداعىنا جانە جوعارىدا اتالعان بارلىق لاۋازىمدى تۇلعالارعا جۇگىنەمىز جانە قۇرىلىس سەكتورىندا تۋىنداۋى مۇمكىن پروبلەمالاردىڭ الدىن الۋعا، قازاقستان حالقىنىڭ مۇددەسىن ءبىرىنشى كەزەككە قويا وتىرىپ جۇمىس ىستەپ جاتقان جۋرناليستەر مەن باق-قا قىسىم جاساۋ فاكتىسىنە نازار اۋدارۋدى سۇرايمىز. ءبىز قازىر عابيت ساتماعامبەتوۆ بيزنەسىندەگى بارلىق ىقتيمال بەنەفيتسيارلاردى اشۋ، قازاقستاننان زاڭسىز سىرتقا قارجى شىعارۋدىڭ ىقتيمال جولدارىن زەرتتەۋ، كومپانياداعى باعا قۇرىلىمى، قۇرىلىسقا رۇقسات بەرۋ قۇجاتتارى مەن جەر ۋچاسكەلەرىن الۋ راسىمدەرىنە قاتىستى زەرتتەۋ جۇمىسىمىزدى ودان ءارى جالعاستىرامىز»، – دەلىنگەن ۇندەۋدە.
