جۋرناليست ايگەرىم تىلەۋجان كولونيادا ەكىنشى رەت ەمدەلۋگە شىعارىلماي وتىر، دەپ حابارلايدى “ادىرنا” ۇلتتىق پورتالى. بۇل تۋرالى ادۆوكات اينارا ايدارحانوۆا مالىمدەدى.
«قىلمىستىق ءىس قوزعالعاننان كەيىن ايگەرىم تىلەۋجان ەكىنشى رەت جوسپارلى اقىلى ەمدەلۋگە جىبەرىلمەدى. وعان سەبەپ ايتىلمايدى»، – دەيدى ادۆوكاتى اينارا ايدارحانوۆا.
ەسكە سالا كەتەيىك، 5 ناۋرىزدا جۋرناليست ايگەرىم تىلەۋجانعا قاتىستى جاڭا قىلمىستىق ءىس قوزعالعانى بەلگىلى بولدى.
2022 جىلدىڭ قازان ايىندا ايگەرىم تىلەۋجان الماتى اۋەجايىنداعى قاڭتارداعى تارتىپسىزدىككە قاتىستى كۇدىكتى بولعانى ايتىلدى. وعان قازاقستان رەسپۋبليكاسى قىلمىستىق كودەكسىنىڭ 272-بابىنىڭ 1-بولىگىمەن (زورلىق-زومبىلىقپەن، قىرعىنمەن، ءورت قويۋمەن، مۇلىكتى جويۋمەن، اتىس قارۋىن، جارىلعىش زاتتاردى نەمەسە جارىلعىش قۇرىلعىلاردى قولدانۋمەن، سونداي-اق بيلىك وكىلىنە قارۋلى قارسىلىق كورسەتۋمەن ۇشتاسقان جاپپاي تارتىپسىزدىكتەر ۇيىمداستىرۋ) بويىنشا ايىپ تاعىلدى.
2023 جىلدىڭ ءساۋىر ايىنىڭ باسىندا تىلەۋجان بۇل ءىستى ساياسي استارى بار دەپ اتادى.
2023 جىلدىڭ 11 شىلدەسىندە سوت تىلەۋجاندى ءتورت جىلعا باس بوستاندىعىنان ايىرۋعا ۇكىم شىعاردى. قاڭتاردىڭ 30-ى كۇنى بەلسەندى رينات رافحات قاماۋداعى ساياساتكەر ايگەرىم تىلەۋجاننىڭ دەنساۋلىعىنىڭ ناشارلاعانى تۋرالى حابارلادى.
2024 جىلدىڭ 5 ناۋرىزىندا ايگەرىم تىلەۋجانعا قاتىستى جاڭا قىلمىستىق ءىس قوزعالدى. ونىڭ ادۆوكاتى ءىستى قىسقارتۋ كەرەكتىگىن ايتتى.
