حالىقارالىق سپورت قاۋىمداستىعى جۋرناليست ميحايل كوزاچكوۆتى بوساتۋدى سۇرايدى

2310
Adyrna.kz Telegram

حالىقارالىق سپورت قاۋىمداستىعى جۋرناليست ميحايل كوزاچكوۆتى بوساتۋدى سۇرايدى، دەپ حابارلايدى “ادىرنا” ءتىلشىسى. 

"كوزاچكوۆ سوۆەتسكي سپورت (رەسەي), UEFA.com, ProSport, Liter جانە Gazeta.kz سياقتى باسىلىمداردا جۇمىس ىستەگەن. قازاقستاندىق جۋرناليست 18 جەلتوقساندا قاماۋعا الىنىپ، ۋاقىتشا ۇستاۋ يزولياتورىندا وتىر. حالىقارالىق سپورت قاۋىمداستىعى بۇل جالعان جاڭالىقتار مەن ميحايل كوزاچكوۆقا قاتىستى ايىپتاۋلاردى دۇرىس ەمەس دەپ ەسەپتەيدى جانە ونىڭ تەز ارادا بوساتىلۋىن جانە بۇل جاعدايدىڭ تەز ارادا شەشىلۋىن تالاپ ەتەدى”، –دەلىنگەن حابارلامادا.

سونىمەن بىرگە، كوزاچكوۆتىڭ جۋرناليستيكامەن 20 جىلدان استام ۋاقىت اينالىسقانى، ول 10 جىلىن سپورت جۋرناليستيكاسىنا، 10 جىلىن جۋرناليستىك زەرتتەۋ باعىتىنا ارناعانى اتاپ وتىلەدى.

"حالىقارالىق سپورت ءباسپاسوزى قاۋىمداستىعى ميحايل كوزاچكوۆتى تەز ارادا بوساتۋدى سۇرايدى. ءسوز بوستاندىعى، پىكىر جانە اقپاراتتىڭ ەركىن تارالۋى سياقتى قۇندىلىقتار قاشان دا ماڭىزدى بولۋى قاجەت. كوزاچكوۆ بوساتىلۋى كەرەك. قازاقستان بيلىگى دە جۋرناليستەردى جاساعان ەڭبەگى ءۇشىن ايىپتاماۋى كەرەك. AIPS جاعدايدى باقىلاۋدى جالعاستىرادى جانە تەك جۋرناليستەرگە عانا ەمەس، بارلىق ازاماتتارعا كەپىلدىك بەرىلگەن قاعيداتتار مەن قۇقىقتاردى قورعاۋ ءۇشىن سوڭىنا دەيىن كۇرەسەدى", – دەلىنگەن حابارلامادا.

پىكىرلەر