Halyqaralyq sport qaýymdastyǵy jýrnalıst Mıhaıl Kozachkovty bosatýdy suraıdy, dep habarlaıdy “Adyrna” tilshisi.
"Kozachkov Sovetskıı sport (Reseı), UEFA.com, ProSport, Liter jáne Gazeta.kz sııaqty basylymdarda jumys istegen. Qazaqstandyq jýrnalıst 18 jeltoqsanda qamaýǵa alynyp, ýaqytsha ustaý ızolıatorynda otyr. Halyqaralyq sport qaýymdastyǵy bul jalǵan jańalyqtar men Mıhaıl Kozachkovqa qatysty aıyptaýlardy durys emes dep esepteıdi jáne onyń tez arada bosatylýyn jáne bul jaǵdaıdyń tez arada sheshilýin talap etedi”, –delingen habarlamada.
Sonymen birge, Kozachkovtyń jýrnalıstıkamen 20 jyldan astam ýaqyt aınalysqany, ol 10 jylyn sport jýrnalıstıkasyna, 10 jylyn jýrnalıstik zertteý baǵytyna arnaǵany atap ótiledi.
"Halyqaralyq sport baspasózi qaýymdastyǵy Mıhaıl Kozachkovty tez arada bosatýdy suraıdy. Sóz bostandyǵy, pikir jáne aqparattyń erkin taralýy sııaqty qundylyqtar qashan da mańyzdy bolýy qajet. Kozachkov bosatylýy kerek. Qazaqstan bıligi de jýrnalısterdi jasaǵan eńbegi úshin aıyptamaýy kerek. AIPS jaǵdaıdy baqylaýdy jalǵastyrady jáne tek jýrnalısterge ǵana emes, barlyq azamattarǵa kepildik berilgen qaǵıdattar men quqyqtardy qorǵaý úshin sońyna deıin kúresedi", – delingen habarlamada.
