ميلانداعى ايگىلى «سان-سيرو» ستاديونىندا وتكەن چەمپيوندار ليگاسىنىڭ «ينتەر» مەن الماتىلىق «قايرات» اراسىنداعى ويىندا جانكۇيەرلەر اراسىندا توبەلەس شىقتى، دەپ حابارلايدى "ادىرنا" ۇلتتىق پورتالى.
كۋاگەرلەردىڭ ايتۋىنشا، قاقتىعىس «ينتەر» جانكۇيەرلەرىنىڭ قازاقستاندىق جانكۇيەرلەر وتىرعان سەكتورعا قاراي بالاعات سوزدەر ايتىپ، قولايسىز قيمىلدار كورسەتۋىنەن باستالعان.
بۇعان جاۋاپ رەتىندە ەكى تاراپ اراسىندا ءسوز تالاسى تۋىنداپ، كەيىن ول توبەلەسكە ۇلاسقان.
وقيعا ەكىنشى تايم كەزىندە بولعان. الەۋمەتتىك جەلىلەردە تاراعان بەينەجازبالاردا بىرنەشە ادامنىڭ توبەلەسىپ جاتقان ءساتى جانە باسقا كورەرمەندەردىڭ قاقتىعىستان قاشىپ، قاۋىپسىز ايماققا كەتىپ جاتقان ءساتى بايقالادى.
ستاديوننىڭ قاۋىپسىزدىك قىزمەتى مەن پوليتسيا قىزمەتكەرلەرى جاعدايعا جەدەل ارالاسىپ، توبەلەستى توقتاتقان.
قازىرگى ۋاقىتتا وقيعانىڭ ءمان-جايىن انىقتاۋ جۇمىستارى جۇرگىزىلۋدە.
