يۋنەسكو باس كونفەرەنتسياسىنىڭ 43-سەسسياسىندا حالىقارالىق كوشپەندىلەر مۇراسى كۇنى رەسمي تۇردە بەلگىلەندى، دەپ حابارلايدى "ادىرنا" ۇلتتىق پورتالى.
بۇل تۋرالى مەملەكەتتىك كەڭەسشى ەرلان قارين مالىمدەدى. قازاقستان يۋنەسكو قابىلداعان قاراردىڭ تەڭ اۆتورى بولىپ سانالادى.
"حالىقارالىق كوشپەندىلەر مۇراسى كۇنى بەكىتىلدى. مۇنداي شەشىم يۋنەسكو باس كونفەرەنتسياسىنىڭ 43-ءشى سەسسياسىندا قابىلداندى. قازاقستان يۋنەسكو قابىلداعان قاراردىڭ تەڭ اۆتورى. بۇل — كوشپەندى حالىقتاردىڭ الەمدىك مادەني مۇراعا قوسقان ەلەۋلى ۇلەسىنىڭ دالەلى", - دەپ جازدى مەملەكەتتىك كەڭەسشى.
اتالعان كۇن جىل سايىن 22 قىركۇيەكتە – كۇن مەن ءتۇننىڭ كۇزگى تەڭەلۋى كەزىندە اتالىپ وتىلەدى. دەپۋتات بيبىگۇل جەكسەنباي جەلىدەگى پاراقشاسىندا جازدى.
"كوشپەندىلەر مۇراسىنا ارنالعان حالىقارالىق كۇننىڭ بەكىتىلۋى – جاي عانا داتا ەمەس، ادامزاتتىڭ ۇمىت بولا باستاعان رۋحاني تامىرىنا قايتا ءۇڭىلۋى.
يۋنەسكو-نىڭ مۇنداي شەشىمگە كەلۋى – عاسىرلار بويى ۇلى دالانى مەكەندەگەن ەلدەردىڭ مادەنيەت پەن وركەنيەتكە قوسقان ءۇنىن مويىنداۋ. بۇل ءۇن جاڭا زاماننىڭ دا تۇعىرىنا اينالىپ وتىر.
"كوشپەندىلەر مۇراسىنا ارنالعان حالىقارالىق كۇننىڭ بەكىتىلۋى – جاي عانا داتا ەمەس، ادامزاتتىڭ ۇمىت بولا باستاعان رۋحاني تامىرىنا قايتا ءۇڭىلۋى.
يۋنەسكو-نىڭ مۇنداي شەشىمگە كەلۋى – عاسىرلار بويى ۇلى دالانى مەكەندەگەن ەلدەردىڭ مادەنيەت پەن وركەنيەتكە قوسقان ءۇنىن مويىنداۋ. بۇل ءۇن جاڭا زاماننىڭ دا تۇعىرىنا اينالىپ وتىر.
22 قىركۇيەك – كۇن مەن ءتۇن تەڭەلەتىن شاق. تابيعاتتىڭ ءوزى تەپە-تەڭدىككە كەلەتىن وسى مەزەتتىڭ تاڭدالۋى بەكەر ەمەس. كوشپەندى دۇنيەتانىمى دا ءدال وسى ۇيلەسىمگە، تابيعاتپەن جاراسىمعا، ۋاقىت پەن كەڭىستىك اراسىنداعى ۇندەستىككە قۇرىلعان.
كوشپەندىلەر مۇراسى – تەك وتكەننىڭ ەلەسى ەمەس. ول – بۇگىنگى جاھاندانۋ داۋىرىندە ادامزاتقا جەتىسپەي تۇرعان رۋحاني باعدار دا، تابيعاتپەن سويلەسۋدىڭ ءتىلىن ۇيرەتەتىن ۇستاز دا ەكەنىن ۇمىتپاعانىمىز ءجون.
كوشپەندىلەر مۇراسى – تەك وتكەننىڭ ەلەسى ەمەس. ول – بۇگىنگى جاھاندانۋ داۋىرىندە ادامزاتقا جەتىسپەي تۇرعان رۋحاني باعدار دا، تابيعاتپەن سويلەسۋدىڭ ءتىلىن ۇيرەتەتىن ۇستاز دا ەكەنىن ۇمىتپاعانىمىز ءجون.
قازاقستاننىڭ وسى قاراردىڭ تەڭ اۆتورى بولۋى – ءوز تامىرىنا دەگەن قۇرمەتتىڭ، ال الەمنىڭ ونى مويىنداۋى – سول تامىردىڭ تەرەڭدىگىن كورسەتەتىن بەلگى. تاماشا باستاما قۇتتى بولسىن", - دەپ جازدى.
ۇقساس جاڭالىقتار
