الماتى اۋەجايىندا "جاڭا تۋعان سابيلەردى قازاقستاننان اكەتۋگە تىرىسقان" شەتەلدىكتەر ۇستالدى، دەپ حابارلايدى «ادىرنا» ءتىلشىسى.
وقيعا 11 قاراشا كۇنى بولعان. قىتايدان كەلگەن ەكى وتباسى قازاقستاننان سۋرروگات انالار بوسانعان نارەستەلەردى الىپ كەتىپ بارا جاتقان كەزدە ۇستالعان. ولاردىڭ قولىندا بالالاردىڭ قۇجاتى بولعانىمەن، شەكارادان وتۋگە رۇقسات بەرىلمەگەن.
الماتى پوليتسيا دەپارتامەنتى شەتەلدىك ازاماتتاردىڭ ۇستالعانىن راستادى.
اتالعان دەرەك بويىنشا «كامەلەتكە تولماعان بالالاردى ساۋدالاۋ» بابى بويىنشا قىلمىستىق ءىس قوزعالعان.
«قازىرگى تاڭدا تەرگەۋ جۇمىستارى جۇرگىزىلىپ جاتىر»،- دەپ تولىقتىردى پد ءباسپاسوز قىزمەتى.
ۇقساس جاڭالىقتار
