ليۆيانىڭ بۇرىنعى ديكتاتور باسشىسى مۋاممار كاددافيدىڭ ۇلى سەيف ءال-يسلام وق جاراقاتىنان قازا تاپتى. اقپاراتتى ەلدىڭ باس پروكۋراتۋراسى راستادى، دەپ حابارلايدى «ادىرنا» ءتىلشىسى.
«تەرگەۋشىلەر كىسى ءولتىرۋ ورنىنا تەكسەرۋ جۇرگىزىپ، قىلمىسقا قاتىسى بار تۇلعالاردى انىقتاپ جاتىر»،-دەلىنگەن حابارلامادا.
ساياساتكەردىڭ جاقىندارى سەيف ءال-يسلام كاددافيدىڭ تريپوليدەن وڭتۇستىك-باتىسقا قاراي شامامەن 160 شاقىرىم جەردە ورنالاسقان ەز-زينتان قالاسىنداعى ۇيىنە 4 قارۋلى ادامنىڭ باسىپ كىرگەنىن مالىمدەدى.
سەيف ءال-يسلام اكەسىنىڭ بيلىگى كەزىندە دە ساياسي ءرول اتقارعان. 2011 جىلدىڭ قازان ايىندا مۋاممار كاددافي ولتىرىلگەن بولاتىن. 2021 جىلى كاددافيدىڭ ۇلى پرەزيدەنتتىك سايلاۋعا قاتىسۋدى جوسپارلاعان، الايدا سايلاۋ وتپەي قالدى. ول رەسمي قىزمەت اتقارماسا دا، ەلدەگى ەڭ ىقپالدى تۇلعالاردىڭ ءبىرى سانالدى. اتاپ ايتساق، ليۆيانىڭ سىرتقى ساياساتىنىڭ قالىپتاسۋىنا ەداۋىر ىقپال ەتىپ، ماڭىزدى ديپلوماتيالىق ميسسيالاردا دەلدال بولعان.
كاددافيدىڭ وڭ قولى ءارى مۇراگەرى سەيف ءال-يسلام اكەسىنىڭ قازاسىنان كەيىن بىرنەشە جىل قارۋلى توپتىڭ بىرىندە تۇتقىندا بولعان. تريپولي سوتى ونى ءولىم جازاسىنا دا كەسكەن. بىراق كەيىن سوت شەشىمىن وزگەرتىپ، سەيف ءال-يسلام بوساتىلعان.
