ازەربايجان پرەزيدەنتى يلحام اليەۆ پەن اقش ۆيتسە-پرەزيدەنتى دجەي دي ۆەنس باكۋدە ەكى ەل ۇكىمەتى اراسىنداعى ستراتەگيالىق سەرىكتەستىك تۋرلى حارتياعا قول قويدى، دەپ حابارلايدى «ادىرنا» ءتىلشىسى.
قۇجات ازەربايجان مەن اقش اراسىنداعى ستراتەگيالىق ارىپتەستىكتى كولىك، ەنەرگەتيكا، جاساندى ينتەللەكت، ينۆەستيتسيالار جانە قاۋىپسىزدىك سالالارىندا بەكىتەدى. نەگىزگى تارماقتاردىڭ ءبىرى — تاۋەلسىزدىك پەن اۋماقتىق تۇتاستىقتى ءوزارا مويىنداۋ جانە TRIPP (Trump Route) كولىك ءدالىزىن دامىتۋ جوباسىن قولداۋ. سونداي-اق قۇجات تەحنولوگيا، تسيفرلىق ينفراقۇرىلىم، قورعانىس جانە تەرروريزمگە قارسى كۇرەس سالاسىنداعى ىنتىماقتاستىقتى قاراستىرادى.
ء«بىز ەنەرگەتيكالىق قاۋىپسىزدىك ماسەلەلەرىندە دە ىنتىماقتاستىق ورناتامىز. قازىرگى ۋاقىتتا ازەربايجان تابيعي گاز رەسۋرستارى ارقىلى 16 ەلدىڭ ەنەرگەتيكالىق قاۋىپسىزدىگىنە ۇلەس قوسىپ وتىر، ونىڭ ىشىندە 11 ەل ناتو مۇشەسى جانە اقش وداقتاستارى»، — دەدى اليەۆ.
