جۋرناليست نۇرعازى انارقۇلوۆ الەۋمەتتىك جەلىلەردە قىرعىزستان ۇقمك-نىڭ بۇرىنعى باسشىسى قامشىبەك تاشيەۆتىڭ ۇندەۋىن جاريالادى، دەپ حابارلايدى «ادىرنا» ءتىلشىسى kaktus.media-عا سىلتەمە جاساپ.
«مەن اۋىردىم جانە پرەزيدەنت رۇقساتىمەن گەرمانياعا باردىم، ويتكەنى بۇرىن وپەراتسيا جاسالعان جەردە تەكسەرۋدەن ءوتۋىم كەرەك بولدى. الايدا كەشە مەن جۇمىستان بوساتىلدىم. بۇل مەن ءۇشىن توسىن جاعداي بولدى. قالاي بولعاندا دا، ءبىز پرەزيدەنتتىڭ شەشىمىن ورىنداۋعا مىندەتتىمىز. مەن مەملەكەتكە، حالقىمىزعا جانە پرەزيدەنتكە ادال قىزمەت ەتتىم جانە بۇل ءۇشىن ماقتانامىن! تەك قۇراممەن قوشتاسۋعا مۇمكىندىك بەرىلمەگەنى كوڭىلىمدى ءتۇسىردى»، — دەدى تاشيەۆ.
سونداي-اق ول ۇقمك-نىڭ ءاربىر قىزمەتكەرىنە ساتتىلىك تىلەدى.
«ەلىمىزدە بەيبىتشىلىك پەن تۇراقتىلىق ورناۋى ءۇشىن ەشكىم زاڭعا جات ارەكەت جاساماۋى ءتيىس، ءبىزدىڭ ءاربىر قادامىمىز زاڭ شەڭبەرىندە بولادى»، — دەلىنگەن ۇندەۋدە.
ەسكە سالساق، 10 اقپاندا قىرعىزستان پرەزيدەنتى سادىر جاپاروۆ قامشىبەك تاشيەۆتى ۇلتتىق قاۋىپسىزدىك جونىندەگى مەملەكەتتىك كوميتەتتىڭ (ۇقمك) توراعاسى جانە ۇكىمەت توراعاسىنىڭ ورىنباسارى قىزمەتىنەن بوساتقان ەدى.
