قازاقستان سىرتقى ىستەر مينيسترلىگى يران يسلام رەسپۋبليكاسىنا ساپار جاساۋعا قاتىستى ۇسىنىمدارىن جاريالادى، دەپ حابارلايدى "ادىرنا" ۇلتتىق پورتالى.
يرانداعى جاعدايدىڭ تۇراقسىز بولىپ وتىرعانىنا بايلانىستى مينيسترلىك قازاقستان ازاماتتارىنا جاعداي تۇراقتالعانعا دەيىن يرانعا بارۋدان ۋاقىتشا باس تارتۋدى ۇسىنادى.
«قازىرگى ۋاقىتتا يراندا جۇرگەن قازاقستان ازاماتتارىنا ەلدەن شىعۋدى، سونداي-اق قاۋىپسىزدىك شارالارىن كۇشەيتۋدى، اباي بولۋدى، جاڭالىقتاردى قاداعالاۋدى جانە جەرگىلىكتى بيلىك ورگاندارىنىڭ ۇسىنىمدارىن قاتاڭ ساقتاۋدى ۇسىنامىز»، – دەلىنگەن مينيسترلىكتىڭ حابارلاماسىندا.
سونىمەن قاتار، سىرتقى ىستەر مينيسترلىگى قازاقستان ازاماتتارىنا تاياۋ شىعىس ەلدەرىنە ساپارلاردى جوسپارلاۋ كەزىندە قازىرگى جاعدايدى جانە ونىڭ كەنەتتەن شيەلەنىسۋ مۇمكىندىگىن ەسكەرە وتىرىپ، ويلانىپ، جاۋاپكەرشىلىكپەن قاراۋدى ەسكەرتەدى.
حابارعا سايكەس، قازاقستاننىڭ يرانداعى ديپلوماتيالىق مەكەمەلەرى قالىپتى رەجيمدە جۇمىس ىستەپ جاتىر. قوسىمشا جانە جەدەل اقپارات الۋ ءۇشىن يرانداعى قازاقستان ازاماتتارى مەن ولاردىڭ تۋىستارى ءۇشىن بايلانىس جەلىلەرى اشىلعان.
