1 ناۋرىز – العىس ايتۋ كۇنىنە وراي «قوعامدىق كەلىسىم» كمم-ءنىڭ ۇيىمداستىرۋىمەن تالدىقورعانداعى دوستىق ۇيىندە «العىس – بىرلىك باستاۋى» اتتى اۋقىمدى مەرەكەلىك ءىس-شارا ءوتتى. تاعىلىمى تەرەڭ بۇل مەرەكە قوعامداعى ءوزارا سىيلاستىق پەن ريزاشىلىق قۇندىلىقتارىن دارىپتەپ، ەتنوسارالىق كەلىسىم مەن جالپىۇلتتىق بىرلىكتى نىعايتۋدى كوزدەگەن ماڭىزدى رۋحاني باستاما بولدى.
مەرەكەلىك جيىن اياسىندا كوپشىلىكتىڭ ەرەكشە قىزىعۋشىلىعىن تۋدىرعان باستامالاردىڭ ءبىرى – ۇلتتىق تاعام قۇرت دايىنداۋ ارقىلى قازاقستان بويىنشا كينەس رەكوردتار كىتابىنا ەنۋگە باعىتتالعان اكتسيا بولدى.
شاراعا ءتۇرلى ەتنوس وكىلدەرى، ەتنومادەني بىرلەستىكتەر مۇشەلەرى مەن ەرىكتىلەر بەلسەندى قاتىسىپ، بىرلىك پەن تاتۋلىقتىڭ جارقىن ۇلگىسىن تانىتتى. ناتيجەسىندە، نەبارى 20 مينۋت ىشىندە 30 وزگە ەتنوس وكىلدەرىنىڭ كۇشىمەن 4546 دانا قۇرت دايىندالىپ، قازاقستان بويىنشا العاش رەت وسىنداي كورسەتكىشكە قول جەتكىزىلدى. وسىلايشا، مەرەكەلىك ءىس-شارا بارىسىندا كينەس رەكوردتار كىتابىنا ەنەتىن تاريحي ناتيجە تىركەلىپ، جاڭا رەكورد ورناتىلدى.
مەرەكەلىك ءىس-شارانىڭ جالعاسى رەتىندە ۇيىمداستىرىلعان كونتسەرتتىك باعدارلاما كورەرمەندەرگە ەرەكشە اسەر سىيلادى. ساحنا تورىندە ەتنومادەني بىرلەستىكتەردىڭ وكىلدەرى ونەر كورسەتىپ، ءارتۇرلى ەتنوستاردىڭ ۇلتتىق اندەرى مەن بيلەرىن ۇسىنۋ ارقىلى مادەني ارالۋاندىقتىڭ بايلىعىن كەڭىنەن پاش ەتتى. بۇل كورىنىستەر ەلىمىزدەگى ۇلتتار اراسىنداعى تاتۋلىق پەن ءوزارا قۇرمەتتىڭ ناقتى كورىنىسىنە اينالدى.
