اقش پرەزيدەنتى ترامپ يرانعا قاتىستى جازبا جاريالادى، دەپ حابارلايدى "ادىرنا" ۇلتتىق پورتالى.
ول Truth Social الەۋمەتتىك جەلىسىندەگى پاراقشاسىندا يرانعا «وتە قۋاتتى سوققى» جاسالۋى مۇمكىن ەكەنىن ەسكەرتتى.
ترامپتىڭ ايتۋىنشا، قازىرگى ۋاقىتتا «جەڭىلىستەرگە ۇشىراپ جاتىر».
يران تاياۋ شىعىستاعى كورشى مەملەكەتتەرىنەن كەشىرىم سۇراپ، بۇدان بىلاي ولارعا وق اتپايتىنىن مالىمدەگەن.
اقش پرەزيدەنتىنىڭ سوزىنشە، مۇنداي شەشىم اقش پەن يزرايل تاراپىنان جاسالىپ جاتقان ۇزدىكسىز شابۋىلداردىڭ سالدارىنان قابىلدانعان.
«بۇل — مىڭداعان جىل ىشىندە يراننىڭ تاياۋ شىعىستاعى كورشى ەلدەردەن العاش رەت جەڭىلۋى. ولار: “راحمەت سىزگە، پرەزيدەنت ترامپ” دەدى. مەن: “وقاسى جوق!” دەپ جاۋاپ بەردىم»، — دەپ جازدى اقش پرەزيدەنتى.
ترامپتىڭ پىكىرىنشە، يران ەندى «تاياۋ شىعىستىڭ بۇزاقىسى» ەمەس، كەرىسىنشە «جەڭىلگەن ەلىنە» اينالعان. ول يران تولىق تىزە بۇككەنگە دەيىن نەمەسە تولىق كۇيرەۋگە ۇشىراعانعا دەيىن وسىنداي جاعدايدا قالا بەرەتىنىن ايتتى.
«بۇگىن يرانعا وتە قۋاتتى سوققى جاسالادى. يراننىڭ تەرىس ارەكەتتەرىنە بايلانىستى بۇعان دەيىن نىسانا رەتىندە قاراستىرىلماعان كەيبىر اۋماقتار مەن توپتارعا تولىق جويىلۋ قاۋپى ءتونۋى مۇمكىن»، — دەپ مالىمدەدى ترامپ.
