تارازداعى جاينامازدى تەپكەن باپكەر توڭىرەگىندەگى داۋ باسىلاتىن ەمەس. بۇگىن وسى اتىشۋلى ۆيدەونىڭ باستى كەيىپكەرلەرى: ەكى وقۋشىنىڭ اتا-اناسى بولعان جايدى بالالارى ادەيى ۇيىمداستىرعانىن ايتىپ، مۇسىلمان قاۋىمى مەن جاتتىقتىرۋشىدان كەشىرىم سۇراعان دەپ مالىمدەدى كتك تەلەارناسى. ءسويتىپ وزدەرى پەرزەنتتەرىن ءوز ەرىكتەرىمەن ينتەرناتتان شىعارىپ اكەتىپتى.
ۆيدەوكادارداعى قوس ءجاسوسپىرىمنىڭ ءبىرى شۋدان، ەكىنشىسى قاراتاۋ قالاسىنان. ال اتا-اناسى ۇلدارىنىڭ نامازعا جىعىلعانىنان بەيحابار. سوندىقتان جەلىگە تاراعان ۆيدەونى كورىپ وزدەرى دە اڭ-تاڭ. سونداي-اق ولار بالالارىنىڭ قۋلىعى ءۇشىن قاتتى قىنجىلاتىنىن جەتكىزىپ، مۇسىلمان قاۋىمى مەن جاتتىقتىرۋشىدان كەشىرىم سۇراعان.
«بالالارىنىڭ تەرىس اعىمدا وقىپ جاتقاندىعىن ايتتى. جانە دەر كەزىندە جاتتىقتىرۋشى كورىپ توقتاتقانى جانە ۆيدەو ءتۇسىرىلىپ جاتقان كەزدە ناماز ۋاقىتىنىڭ بولماعاندىعىن ءۇشتىڭ كەزى ەكەنىن مويىنداپ وتىر»، - دەيدى جامبىل وبلىستىق مامانداندىرىلعان سپورتتاعى دارىندى بالالار مەكتەپ ينتەرناتى ديرەكتورىنىڭ ورىنباسارى ەردوس اكىموۆ.
ونىڭ ايتۋىنشا، ءبىر جىلدان بەرى نەگىزگى قۇرامعا ىلىگە الماي جۇرگەن قوس شاكىرتكە سوڭعى سىننان سۇرىنسە ينتەرناتتان شىعۋ قاۋىپى تونگەن. بۇعان باپكەردى ايىپتاعان جاسوسپىرىمدەر ونى اياقتان شالۋدى مۇقيات ۇيىمداستىرعان. ەكەۋى قىزۋ قاندى جاتتىقتىرۋشىنىڭ تەوريالىق ساباعىنا قاتىسپاي، ونىڭ بولمەگە كەلۋىن كۇتىپتى.
المات باەتوۆ جاسوسپىرىمدەردىڭ اداسىپ جۇرگەندەرىن ءاۋ باستا بايقاپ، وزگەلەردىڭ ساناسىن ۋلاماۋدى ەسكەرتكەن ەكەن. بىراق وعان شاكىرتتەرى پىسقىرىپ قاراماعان. ايتا كەتەيىك، جاينامازدى تەۋىپ، ساجدەگە جىعىلعان بالالاردى بولمەدەن جەلكەلەپ شىعىرعان باپكەردىڭ ارەكەتى جۇرتتىڭ اشۋىن تۋعىزعان. وسى شۋدان كەيىن جاتتىقتىرۋشى جۇمىستان قۋىلىپ، ءوزى ەل الدىنا شىعىپ كەشىرىم سۇراعان ەدى.
فۋتبولشىلاردى باپتاعان المات باەتوۆپەن قوسا، وبلىستىق مامانداندىرىلعان سپورتتاعى دارىندى بالالار مەكتەپ ينتەرناتى ديرەكتورىنىڭ تاربيە ءىسى جونىندەگى ورىنباسارى دا قىزمەتىنەن كەتتى. ال، جايناماز توڭىرەگىندەگى داۋ مۇنىمەن بىتپەيتىن ءتارىزدى. سەبەبى بولعان جايتقا قاتىستى ارنايى توپ قۇرىلىپ، تەكسەرۋ ءجۇرىپ جاتىر دەپ جازادى Snkz.
