يۋنەسكو يزرايل مەن اقش-تىڭ اسكەري وپەراتسياسى كەزىندە يرانداعى بىرنەشە مادەني مۇرا نىسانى زاقىمدانعانىن راستادى. بۇل تۋرالى ۇيىمنىڭ مالىمدەمەسىنە سىلتەمە جاساپ The New York Times گازەتى جازدى، دەپ حابارلايدى "ادىرنا".
«يۋنەسكو تاياۋ شىعىستاعى، اسىرەسە يران مەن كورشى ەلدەردەگى مادەني مۇرا نىساندارىنا قاتىستى قيراتۋلار تۋرالى حابارلامالارعا قاتتى الاڭداۋشىلىق بىلدىرەدى»، – دەلىنگەن اقپاراتتا.
ۇيىمنىڭ مالىمەتىنشە، اڭگىمە يسفاحان قالاسىنداعى چەحەل-سوتۋن سارايى مەن جامي مەشىتى، تەگەراننىڭ تاريحي ورتالىعىنداعى گولەستان سارايى، سونداي-اق حوررەماباد اڭعارىنداعى كونە تاريحي ەسكەرتكىشتەردىڭ ماڭىنداعى عيماراتتار تۋرالى بولىپ وتىر.
گازەتتىڭ اتاپ وتۋىنشە، تاريحي نىسانداردىڭ زاقىمدانۋى يراندىقتار اراسىندا «اشۋ-ىزا، قايعى جانە قورقىنىش» تۋعىزعان.
ايتا كەتەيىك، بۇعان دەيىن يراننىڭ سىرتقى ىستەر ءمينيسترى ابباس اراگچي ءيزرايلدىڭ يران اۋماعىنداعى تاريحي ەسكەرتكىشتەرگە سوققى جاساپ جاتقانىن مالىمدەپ، حالىقارالىق ۇيىمداردىڭ ارەكەتسىزدىگىن سىنعا العانىن حابارلادىق.
ونىڭ ايتۋىنشا، شابۋىلعا ۇشىراعان كەيبىر نىساندار XIV عاسىرعا جاتادى جانە ولاردىڭ بىرقاتارى يۋنەسكو-نىڭ بۇكىلالەمدىك مۇرالار تىزىمىنە ەنگىزىلگەن.
