ەلىمىزدە مەملەكەتتىك قىزمەتكەرلەردىڭ الەۋمەتتىك كەپىلدىكتەرى قايتا قارالادى. بۇل تۋرالى بۇگىن، 18 ناۋرىزدا ءماجىلىستىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
جاڭارتىلعان زاڭ جوباسىندا مەملەكەتتىك قىزمەتتىڭ تارتىمدىلىعىن ارتتىرۋ، بىلىكتى كادرلاردى تارتۋ جانە ۇستاپ قالۋ ءۇشىن بىرقاتار نورمالار قاراستىرىلعان. اتاپ ايتقاندا، جالاقىنى كەمىندە ءۇش جىلدا ءبىر رەت يندەكستەۋ تەتىگى ەنگىزىلەدى، ۇستەمە جۇمىس، دەمالىس جانە مەرەكە كۇندەرى ءۇشىن وتەماقى تولەۋ كوزدەلەدى. قىزمەت ءوتىلى 25 جىلدان اسقان جانە مەملەكەتتىك نەمەسە ۆەدومستۆولىق ناگرادالارى بار قىزمەتشىلەر زەينەتكە شىققاندا ءتورت لاۋازىمدىق جالاقى مولشەرىندە بىرجولعى سىياقى بەرىلەدى.
ء«بىر ەلدى مەكەننەن ەكىنشىسىنە اۋىسقاندا نەمەسە مەملەكەتتىك ورگان كوشىرىلگەن جاعدايدا قىزمەتشىلەرگە كوتەرمە جاردەماقى جانە مۇلكىن تاسىمالداۋعا وتەماقى تولەنبەك. بالالارى بالاباقشاعا كەزەكسىز قابىلدانادى. سونىمەن قاتار جەڭىلدەتىلگەن تۇرعىن ءۇي باعدارلامالارىنا قاتىسۋ مۇمكىندىگى قاراستىرىلادى»،-دەلىنگەن حابارلامادا.
