يتاليانىڭ پرەمەر-ءمينيسترى دجوردجا مەلوني ۇكىمەتى ۇسىنعان رەفورما بويىنشا وتكەن رەفەرەندۋمنىڭ ءساتسىز اياقتالعانىن مويىندادى. Report اگەنتتىگىنىڭ حابارلاۋىنشا، ول بۇل تۋرالى ح الەۋمەتتىك جەلىسىندەگى ۇندەۋىندە مالىمدەدى، دەپ حابارلايدى “ادىرنا”.
«ەگەمەندىك حالىققا تيەسىلى، جانە بۇگىن حالىق ءوز ۇستانىمىن انىق ءبىلدىردى. ۇكىمەت سايلاۋالدى ناۋقاندا ۋادە ەتىلگەن رەفورمانى تالقىلاۋعا شىعارىپ، ازاماتتارعا تاڭداۋ جاساۋ قۇقىعىن بەردى. ءبىز بۇل تاڭداۋدى قابىلدايمىز، دەگەنمەن يتاليانى جاڭعىرتۋ مۇمكىندىگىنىڭ جىبەرىلىپ العانىنا وكىنىش بار. سوعان قاراماستان، ءبىز ءوز مانداتىمىز اياسىندا مەملەكەت يگىلىگى ءۇشىن مىندەتتەرىمىزدى سابىرلى ءارى ادال تۇردە ورىنداۋدى جالعاستىرامىز. ءبىز العا قاراي باتىل، جاۋاپكەرشىلىكپەن جانە يتاليا مەن ونىڭ حالقىنىڭ مۇددەلەرىن قۇرمەتتەي وتىرىپ جىلجيمىز»، – دەدى پرەمەر-مينيستر.
الدىن الا مالىمەت بويىنشا، رەفورماعا قاتىسقان سايلاۋشىلاردىڭ 54,47%-ى قارسى داۋىس بەرگەن. داۋىس بەرۋگە سوت-تەرگەۋ جۇيەسىنىڭ قۇرىلىمىن وزگەرتۋ جانە وكىلەتتىكتەردى قايتا بولۋگە قاتىستى، كونستيتۋتسياعا سايكەس تاۋەلسىز مەملەكەتتىك بيلىك تارماعى بولىپ سانالاتىن كۇردەلى ماسەلە ۇسىنىلعان.
