الماتىداعى ءال-فارابي داڭعىلىندا ايەلدى كولىك قاعىپ كەتتى. قايعىلى وقيعا 25 ناۋرىز كۇنى تۇنگى ۋاقىتتا بولعان، دەپ حابارلايدى «ادىرنا» ءتىلشىسى.
قالالىق پوليتسيا دەپارتامەنتىنىڭ مالىمەتىنشە، Mitsubishi Delica كولىگىنىڭ جۇرگىزۋشىسى ءال-فارابي داڭعىلى بويىمەن شىعىس باعىتتا كەلە جاتىپ، روزىباكيەۆ كوشەسى قيىلىسىندا جولدان ءوتىپ بارا جاتقان ايەلدى قاعىپ كەتكەن. زارداپ شەگۋشى وقيعا ورنىندا قازا تاپقان.
قازىرگى ۋاقىتتا جول-كولىك وقيعاسى بويىنشا قىلمىستىق ءىس قوزعالىپ، تەرگەۋ ءجۇرىپ جاتىر.
ەسكە سالايىق، 21 ناۋرىز كۇنى ءدال وسى ءال-فارابي داڭعىلىندا جانتۇرشىگەرلىك جول اپاتى بولىپ، 3 ادام قازا تاپقان ەدى.
ۇقساس جاڭالىقتار
