الماتىدا ەكى كولىك سوعىسىپ، ءبىر ادام كوز جۇمدى، دەپ حابارلايدى "ادىرنا" ۇلتتىق پورتالى Zakon.kz-كە سىلتەپ.
اپات رىسقۇلوۆ داڭعىلى مەن بۇقتىرما كوشەسى ارالىعىندا ورىن الدى.
24 اقپان كۇنى Mercedes-Benz Actros جۇك كولىگى مەن Mazda 626 جەڭىل كولىگى سوقتىعىسقان.
جۇك كولىگى جۇرگىزۋشىسىنىڭ ايتۋىنشا، ول سولتۇستىك باعىتتا قوزعالىپ كەلە جاتقاندا قارسى جولاقتان جوعارى جىلدامدىقپەن كەلە جاتقان Mazda كولىگىن كورگەن. Mazda جىلدامدىعىن باسەڭدەتپەي، تراەكتورياسىن وزگەرتپەگەن. ناتيجەسىندە سوقتىعىسۋ ورىن العان.
وقيعا سالدارىنان جەڭىل كولىكتىڭ جۇرگىزۋشىسى، 2006 جىلى تۋعان جاس جىگىت، كولىكتىڭ ىشىندە قىسىلىپ قالعان. قۇتقارۋشىلار ونى قيراتىلعان كولىكتەن الىپ شىقتى، بىراق دارىگەرلەر ونىڭ قايتىس بولعانىن راستادى.
پوليتسيا وقيعانىڭ بارلىق ءمان-جايىن انىقتاپ جاتىر. اپات سالدارىنان قۇلجا تاس جولىنىڭ ەكى باعىتىندا قوزعالىس ۋاقىتشا شەكتەلگەن.
