سوڭعى جىلدارى الماتىنىڭ تاۋلى ايماقتارى تەك دەمالىس ورنى عانا ەمەس، ەلىمىزدىڭ تۋريزم الەۋەتىنىڭ باستى تىرەگىنە اينالىپ كەلەدى.
مەملەكەت پەن شەتەلدىك ساراپشىلار بىرلەسە وتىرىپ، الماتىنى ورتالىق ازيانىڭ باستى تاۋ كۋرورتىنا اينالدىرۋدى كوزدەپ وتىر. بۇل جوبا تەك تۋريستىك ينفراقۇرىلىمدى دامىتۋمەن شەكتەلمەيدى — ول ەكولوگيانى ساقتاۋعا، ينكليۋزيۆتى ورتا قۇرۋعا جانە قالا ەكونوميكاسىن جاڭا دەڭگەيگە كوتەرۋگە باعىتتالعان.
سوڭعى جىلدارى الماتىنىڭ تاۋلى ايماقتارى تەك دەمالىس ورنى عانا ەمەس، ەلىمىزدىڭ تۋريزم الەۋەتىنىڭ باستى تىرەگىنە اينالىپ كەلەدى. مەملەكەت پەن شەتەلدىك ساراپشىلار بىرلەسە وتىرىپ، الماتىنى ورتالىق ازيانىڭ باستى تاۋ كۋرورتىنا اينالدىرۋدى كوزدەپ وتىر. بۇل جوبا تەك تۋريستىك ينفراقۇرىلىمدى دامىتۋمەن شەكتەلمەيدى — ول ەكولوگيانى ساقتاۋعا، ينكليۋزيۆتى ورتا قۇرۋعا جانە قالا ەكونوميكاسىن جاڭا دەڭگەيگە كوتەرۋگە باعىتتالعان.
الماتى تاۋ كلاستەرىن دامىتۋعا قاتىستى ۇسىنىلعان جوبالاردىڭ نەگىزگى باعىتتارى مەن ەل ءۇشىن ماڭىزىن شولۋ تۇرىندە ۇسىنامىز.
بولاشاقتىڭ بيىگى: جاڭا باستاما
بۇل جوبا الماتىنى ورتالىق ازياداعى ەڭ ءىرى ءارى جىل بويىنا جۇمىس ىستەيتىن تاۋ كۋرورتىنا اينالدىرۋدى ماقسات ەتەدى.
جوبانىڭ ءۇش تىرەگى: شىعىس، ورتالىق جانە باتىس ايماقتار
كەشەندى جوسپارعا سايكەس، شىعىس، ورتالىق جانە باتىس ايماقتاردا حالىقارالىق دەڭگەيدەگى ينفراقۇرىلىم سالىنادى. 300–700 شاقىرىمعا دەيىن شاڭعى تراسسالارىن دامىتۋ كوزدەلگەن. تەك ورتالىق ايماقتىڭ وزىندە كوتەرگىشتەر سانى 16-دان 58-گە دەيىن كوبەيەدى. بۇل – وتكىزۋ قابىلەتىن تاۋلىگىنە 6 مىڭنان 34 مىڭ ادامعا دەيىن ۇلعايتۋعا مۇمكىندىك بەرەدى.
Almaty SuperSki: جاڭادان باستاۋشىلارعا – جاڭا مۇمكىندىك
PGI Management پرەزيدەنتى جوان ۆيلادومات پەن جوبا جەتەكشىسى توماس تور يەنسەن تانىستىرعان Almaty SuperSki كونتسەپتسياسى – ەرەكشە نازار اۋدارۋعا تۇرارلىق. قۇمبەل شىڭى مەن كوك-جايلاۋ شاتقالىن قامتيتىن جاڭا كۋرورت 65 شاقىرىمنان استام تراسساعا يە بولادى. ونىڭ جارتىسىنان كوبى جاڭادان ۇيرەنۋشىلەرگە ارنالماق. بۇل – بۇقارالىق سپورت پەن دەنە بەلسەندىلىگىن ناسيحاتتاۋعا ۇلكەن قادام.
ەكولوگيا مەن ينكليۋزيا – باسىم باعىتتار
جوبا اۆتورلارى تابيعي لاندشافتتى ساقتاۋ مەن ەكوجۇيەگە زيان كەلتىرمەۋ قاعيداتىن باستى ورىنعا قويىپ وتىر. قازۋ جۇمىستارى ازايتىلادى، كوتەرگىشتەر مەن تراسسالار ەكولوگيانى ساقتاي وتىرىپ سالىنادى. سونىمەن قاتار، ينفراقۇرىلىم مۇگەدەكتىگى بار جاندارعا دا بەيىمدەلگەن. بۇل – ينكليۋزيۆتى ءتۋريزمنىڭ ناعىز ۇلگىسى.
الەمدىك سەرىكتەستىك: فرانتسيا، اقش، اندوررا تاجىريبەسى
جوبانىڭ حالىقارالىق سيپاتى دا ەرەكشە. Horwath HTL (اقش), Stem International (فرانتسيا) جانە PGI management (اندوررا) سىندى الەمدىك الپاۋىت كومپانيالار ءوز تاجىريبەلەرىمەن ءبولىسىپ، جوبانىڭ ستراتەگيالىق دامۋىن بىرگە جوسپارلاپ وتىر. فرانتسۋز ساراپشىلارى جازعى تۋريزم – ۆەلوجول، گلامپينگ، ەتنو-قوناقۇيلەر سىندى نىساندارعا دا باسا ءمان بەرىلىپ جاتىر.
كوك-جايلاۋ قايتا ء"تىرىلدى" مە؟
بۇرىن توقتاتىلعان "كوك-جايلاۋ" جوباسى ساراپشىلار نازارىن قايتا اۋداردى. ۇلتتىق شاڭعى قاۋىمداستىعىنىڭ وكىلى اسقار ۋاليەۆ بۇل باعىتتى دامىتۋدىڭ ۋاقىتى كەلگەنىن جەتكىزدى. جاڭا تاسىلدەر مەن ەكولوگيالىق ۇستانىمدار كوك-جايلاۋدى قايتا قولعا الۋعا مۇمكىندىك بەرىپ وتىر.
ينفراقۇرىلىم – مەملەكەتتىڭ موينىندا
ساراپشىلاردىڭ ەسەبىنشە، تاۋ ينفراقۇرىلىمىنا سالىنعان 1 دوللار 2 دوللار جەكە ينۆەستيتسيا اكەلۋى مۇمكىن.
تۋريزم – ەكونوميكانى ءارتاراپتاندىرۋ تەتىگى
بۇگىندە تۋريزم الماتى وڭىرلىك ءونىمىنىڭ 3,9%-ىن قۇرايدى. قالا 2024 جىلى 2,3 ملن ءتۋريستى قابىلداپ، تۋريزم سەكتورى سالىق كولەمىن ەكى ەسەگە ارتتىردى. بۇل – ەلىمىزدىڭ شيكىزاتقا تاۋەلدىلىكتەن ارىلىپ، ەكونوميكاسىن ءارتاراپتاندىرۋ جولىنداعى ناقتى قادام.
مەدەۋدەن جاڭا كوپىرگە دەيىن
مەدەۋ اۋماعىندا ECO پارك كونتسەپتسياسى ۇسىنىلىپ، وتباسىلىق جانە بەلسەندى دەمالىسقا ارنالعان لاندشافتتىق ساياباق سالىنباق. سونىمەن قاتار گورەلنيك كەلۋشىلەر ورتالىعى ىسكە قوسىلىپ، Jumbaq Jol اتتى جاياۋ جۇرگىنشىلەر باعىتى اشىلدى. قازىرگى ۋاقىتتا تاۋلىگىنە 10 مىڭ ادام وتكىزە الاتىن اسپالى كوپىردىڭ قۇرىلىسى ءجۇرىپ جاتىر.
تاۋەلسىز ساراپشىلار نە دەيدى؟
قازاقستانداعى تاۋ ءتۋريزمى نەگىزىنەن شىمبۇلاققا تاۋەلدى بولىپ، ونىڭ ينفراقۇرىلىمى مەن قىزمەت كورسەتۋ ساپاسى قازىرگى سۇرانىسقا ساي ەمەس.
قىسقى ماۋسىمدا كۋرورتتا كەپتەلىس، باعالاردىڭ قىمباتتاۋى جانە تۇراق تاپشىلىعى سياقتى ماسەلەلەر كوبەيىپ، كوپشىلىك ءۇشىن قولجەتىمدىلىكتى تومەندەتۋدە. ساراپشىلار بۇل جاعدايدى جۇيەسىزدىك پەن مونوپوليانىڭ سالدارى دەپ سانايدى.
قازاقستاننىڭ تاۋ ءتۋريزمىن كەڭەيتۋ ءۇشىن تۇرگەن، قاسكەلەڭ، Oi-Qaragai سياقتى جاڭا باعىتتاردى دامىتۋ قاجەت. الايدا، ينفراقۇرىلىم، جولدار مەن سەرۆيس ساپاسى ءالى دە تومەن دەڭگەيدە قالىپ وتىر. كورشى ەلدەر – وزبەكستان، قىرعىزستان، گرۋزيا – تۋريستىك ينفراقۇرىلىمدى جاقسارتىپ، ارنايى باعدارلامالار ارقىلى ءتۋريزمدى ءارتاراپتاندىرۋدا. ولار مونوپوليانى جويىپ، جەرگىلىكتى قاۋىمداستىقتاردى، ەكولوگيانى ەسكەرە وتىرىپ، دامۋدى جۇيەلى جولعا قويعان.
قازاقستان ءۇشىن ماڭىزدىسى – مەملەكەت دەڭگەيىندە ينفراقۇرىلىمدى دامىتۋ، زاڭنامانى جەتىلدىرۋ، ينۆەستيتسيا تارتۋ جانە تابيعاتتى قورعاۋ. سوندا عانا ەلىمىز تاۋ تۋريزمىندە كەڭ جانە ساپالى قىزمەت كورسەتەتىن، ەكولوگيالىق جانە الەۋمەتتىك تەپە-تەڭدىگى ساقتالعان باسەكەگە قابىلەتتى نارىق قۇرا الادى.
قورىتىندى: الماتى تاۋلارى – الەمدىك برەندكە اينالا ما؟
Almaty Mountains Destination – تابيعات، مادەنيەت پەن سپورتتى توعىستىرعان جاڭا تۋريستىك برەند بولماق. جوبانىڭ تولىق ىسكە اسۋى ارقىلى الماتى تەك قازاقستاننىڭ ەمەس، بۇكىل ورتالىق ازيانىڭ تۋريزم استاناسىنا اينالۋى ابدەن مۇمكىن.
