Soŋǧy jyldary Almatynyŋ tauly aimaqtary tek demalys orny ǧana emes, elımızdıŋ turizm äleuetınıŋ basty tıregıne ainalyp keledı.
Memleket pen şeteldık sarapşylar bırlese otyryp, Almatyny Ortalyq Aziianyŋ basty tau kurortyna ainaldyrudy közdep otyr. Būl joba tek turistık infraqūrylymdy damytumen şektelmeidı — ol ekologiiany saqtauǧa, inkliuzivtı orta qūruǧa jäne qala ekonomikasyn jaŋa deŋgeige köteruge baǧyttalǧan.
Soŋǧy jyldary Almatynyŋ tauly aimaqtary tek demalys orny ǧana emes, elımızdıŋ turizm äleuetınıŋ basty tıregıne ainalyp keledı. Memleket pen şeteldık sarapşylar bırlese otyryp, Almatyny Ortalyq Aziianyŋ basty tau kurortyna ainaldyrudy közdep otyr. Būl joba tek turistık infraqūrylymdy damytumen şektelmeidı — ol ekologiiany saqtauǧa, inkliuzivtı orta qūruǧa jäne qala ekonomikasyn jaŋa deŋgeige köteruge baǧyttalǧan.
Almaty tau klasterın damytuǧa qatysty ūsynylǧan jobalardyŋ negızgı baǧyttary men el üşın maŋyzyn şolu türınde ūsynamyz.
Bolaşaqtyŋ biıgı: Jaŋa bastama
Būl joba Almatyny Ortalyq Aziiadaǧy eŋ ırı ärı jyl boiyna jūmys ısteitın tau kurortyna ainaldyrudy maqsat etedı.
Jobanyŋ üş tıregı: Şyǧys, Ortalyq jäne Batys aimaqtar
Keşendı josparǧa säikes, şyǧys, ortalyq jäne batys aimaqtarda halyqaralyq deŋgeidegı infraqūrylym salynady. 300–700 şaqyrymǧa deiın şaŋǧy trassalaryn damytu közdelgen. Tek ortalyq aimaqtyŋ özınde kötergışter sany 16-dan 58-ge deiın köbeiedı. Būl – ötkızu qabıletın täulıgıne 6 myŋnan 34 myŋ adamǧa deiın ūlǧaituǧa mümkındık beredı.
Almaty SuperSki: Jaŋadan bastauşylarǧa – jaŋa mümkındık
PGI Management prezidentı Joan Viladomat pen joba jetekşısı Tomas Tor Iensen tanystyrǧan Almaty SuperSki konsepsiiasy – erekşe nazar audaruǧa tūrarlyq. Qūmbel şyŋy men Kök-Jailau şatqalyn qamtityn jaŋa kurort 65 şaqyrymnan astam trassaǧa ie bolady. Onyŋ jartysynan köbı jaŋadan üirenuşılerge arnalmaq. Būl – būqaralyq sport pen dene belsendılıgın nasihattauǧa ülken qadam.
Ekologiia men inkliuziia – basym baǧyttar
Joba avtorlary tabiǧi landşaftty saqtau men ekojüiege ziian keltırmeu qaǧidatyn basty orynǧa qoiyp otyr. Qazu jūmystary azaitylady, kötergışter men trassalar ekologiiany saqtai otyryp salynady. Sonymen qatar, infraqūrylym mügedektıgı bar jandarǧa da beiımdelgen. Būl – inkliuzivtı turizmnıŋ naǧyz ülgısı.
Älemdık serıktestık: Fransiia, AQŞ, Andorra täjıribesı
Jobanyŋ halyqaralyq sipaty da erekşe. Horwath HTL (AQŞ), Stem International (Fransiia) jäne PGI management (Andorra) syndy älemdık alpauyt kompaniialar öz täjıribelerımen bölısıp, jobanyŋ strategiialyq damuyn bırge josparlap otyr. Fransuz sarapşylary jazǧy turizm – velojol, glamping, etno-qonaqüiler syndy nysandarǧa da basa män berılıp jatyr.
Kök-Jailau qaita "tırıldı" me?
Būryn toqtatylǧan "Kök-Jailau" jobasy sarapşylar nazaryn qaita audardy. Ūlttyq şaŋǧy qauymdastyǧynyŋ ökılı Asqar Uäliev būl baǧytty damytudyŋ uaqyty kelgenın jetkızdı. Jaŋa täsılder men ekologiialyq ūstanymdar Kök-Jailaudy qaita qolǧa aluǧa mümkındık berıp otyr.
İnfraqūrylym – memlekettıŋ moinynda
Sarapşylardyŋ esebınşe, tau infraqūrylymyna salynǧan 1 dollar 2 dollar jeke investisiia äkeluı mümkın.
Turizm – ekonomikany ärtaraptandyru tetıgı
Bügınde turizm Almaty öŋırlık önımınıŋ 3,9%-yn qūraidy. Qala 2024 jyly 2,3 mln turistı qabyldap, turizm sektory salyq kölemın ekı esege arttyrdy. Būl – elımızdıŋ şikızatqa täueldılıkten arylyp, ekonomikasyn ärtaraptandyru jolyndaǧy naqty qadam.
Medeuden jaŋa köpırge deiın
Medeu aumaǧynda ECO park konsepsiiasy ūsynylyp, otbasylyq jäne belsendı demalysqa arnalǧan landşafttyq saiabaq salynbaq. Sonymen qatar Gorelnik keluşıler ortalyǧy ıske qosylyp, Jumbaq Jol atty jaiau jürgınşıler baǧyty aşyldy. Qazırgı uaqytta täulıgıne 10 myŋ adam ötkıze alatyn aspaly köpırdıŋ qūrylysy jürıp jatyr.
Täuelsız sarapşylar ne deidı?
Qazaqstandaǧy tau turizmı negızınen Şymbūlaqqa täueldı bolyp, onyŋ infraqūrylymy men qyzmet körsetu sapasy qazırgı sūranysqa sai emes.
Qysqy mausymda kurortta keptelıs, baǧalardyŋ qymbattauy jäne tūraq tapşylyǧy siiaqty mäseleler köbeiıp, köpşılık üşın qoljetımdılıktı tömendetude. Sarapşylar būl jaǧdaidy jüiesızdık pen monopoliianyŋ saldary dep sanaidy.
Qazaqstannyŋ tau turizmın keŋeitu üşın Tūrgen, Qaskeleŋ, Oi-Qaragai siiaqty jaŋa baǧyttardy damytu qajet. Alaida, infraqūrylym, joldar men servis sapasy älı de tömen deŋgeide qalyp otyr. Körşı elder – Özbekstan, Qyrǧyzstan, Gruziia – turistık infraqūrylymdy jaqsartyp, arnaiy baǧdarlamalar arqyly turizmdı ärtaraptandyruda. Olar monopoliiany joiyp, jergılıktı qauymdastyqtardy, ekologiiany eskere otyryp, damudy jüielı jolǧa qoiǧan.
Qazaqstan üşın maŋyzdysy – memleket deŋgeiınde infraqūrylymdy damytu, zaŋnamany jetıldıru, investisiia tartu jäne tabiǧatty qorǧau. Sonda ǧana elımız tau turizmınde keŋ jäne sapaly qyzmet körsetetın, ekologiialyq jäne äleumettık tepe-teŋdıgı saqtalǧan bäsekege qabılettı naryq qūra alady.
Qorytyndy: Almaty taulary – älemdık brendke ainala ma?
Almaty Mountains Destination – tabiǧat, mädeniet pen sportty toǧystyrǧan jaŋa turistık brend bolmaq. Jobanyŋ tolyq ıske asuy arqyly Almaty tek Qazaqstannyŋ emes, bükıl Ortalyq Aziianyŋ turizm astanasyna ainaluy äbden mümkın.
