Bügın Almatyda Qala künıne orai ūiymdastyrylǧan «Şabyt bergen Almaty!» respublikalyq poeziialyq şyǧarmalar baiqauy jeŋımpazdaryn marapattau räsımı öttı.
Is-şaraǧa Almaty qalasy äkımdıgınıŋ ökılderı, mädeniet jäne öner salasynyŋ mamandary, şyǧarmaşylyq ziialy qauym ökılderı, aqyndar, sondai-aq qala tūrǧyndary men qonaqtary qatysty.
Baiqau Almaty qalasy Mädeniet basqarmasynyŋ qoldauymen öttı. Ötınım 15 şılde men 29 tamyz aralyǧynda qabyldanyp, elımızdıŋ är öŋırınen barlyǧy 269 şyǧarma kelıp tüstı. Baiqaudyŋ jalpy jülde qory – 7,5 mln teŋge.
Is-şara barysynda Almaty qalasy äkımınıŋ orynbasary Abzal Nükenov baiqaudyŋ maŋyzdylyǧyna toqtalyp, onyŋ Almaty qalasy äkımınıŋ bastamasymen ūiymdastyrylǧanyn atap öttı. Onyŋ aituynşa, Almaty ärdaiym mädeniet pen önerdıŋ ordasy bolyp qala beredı. Aqyndardyŋ şyǧarmalarynda qalanyŋ sūlulyǧyna, tynys-tırşılıgı men erekşe atmosferasyna degen airyqşa süiıspenşılık körınıs tapqan. Sondai-aq ol baiqauǧa qatysqan barlyq aqynǧa alǧys bıldırıp, qala tūrǧyndary men qonaqtaryn Qala künımen qūttyqtady.
Qazylar alqasy şyǧarmalardy körkemdık deŋgeiı, mazmūny, avtorlyq ideiasy, tıldık şeberlıgı jäne kompozisiialyq erekşelıkterı boiynşa baǧalady. Baiqau qorytyndysy boiynşa bırınşı oryn İranbek Orazbaevtyŋ «Almaty – bū dünie jännaty (şahar-nama)» şyǧarmasyna berıldı.
Ekınşı oryndy Elena Äbdıhalyqovanyŋ «Jas edım kökıregımde tasyǧan än…» şyǧarmasy ielendı. Üşınşı oryn Ǧani Qarlyǧaştyŋ «Almaty: üş ūrpaq, bır mahabbat» jäne Aqsūŋqar Aqynbabaqyzynyŋ «Almatynyŋ ruhy» şyǧarmalaryna berıldı.
Sonymen qatar Almas Ahmetbekūly «Tölebi 59», Ädılǧazy Qaiyrbekov «Almatym – azattyqtyŋ astanasy!», Mūrat Şaimaran «Almaty. Sūr ǧimarat», Erǧali Baqaş «Jas aqynnyŋ Almatyǧa keluı» jäne Oljas Otar «Almaty monology» şyǧarmalary üşın yntalandyru syilyqtarymen marapattaldy.
Aita keteiık, baiqauǧa ūsynylǧan şyǧarmalarda Almatynyŋ tarihi, mädeni jäne ruhani maŋyzy, tabiǧi sūlulyǧy, bai mädeni mūrasy men qalanyŋ zamanaui kelbetı är avtordyŋ özındık poetikalyq közqarasy arqyly körınıs tapqan.
Baiqau jeŋımpazy men jüldegerlerınıŋ şyǧarmalary «Şabyt bergen Almaty!» jinaǧyna jariialanady.
