29 qazanda Almatyda Halyk OIY Tech ekınşı jyl saiynǧy IT-konferensiiasy ötedı, dep habarlaidy “Adyrna”.
Is-şara Qazaqstan-Britan tehnikalyq universitetınıŋ ǧimaratynda bastalyp, oǧan IT, derekterdı öŋdeu, jasandy intellekt jäne sifrlyq önımder salasyndaǧy 500 maman qatysady dep josparlanǧan. Qonaqtar qatarynda Qazaqstan Respublikasy Premer-ministrınıŋ orynbasary, Jasandy intellekt jäne sifrlyq damu ministrı Jaslan Mädiev, sondai-aq Visa, Amazon, Plug and Play jäne Ymatrix kompaniialarynyŋ spikerlerı bar.
Jasandy intellektını bank auqymynda qalai engızuge bolady? Tölem jüielerı men klienttık täjıribe qalai özgerıp jatyr? Qarjylyq qyzmetterdıŋ jaŋa buynyn damytu üşın qandai infraqūrylym qajet? Halyk OIY Tech 2026 konferensiiasynda osy jäne özge de mäseleler talqylanady.
Konferensiianyŋ negızgı ideiasy – bastaulardan sifrlyq däuırge deiıngı damu jolyn körsetu. Halyk mamandary men şaqyrylǧan sarapşylar banktıŋ tehnologiialary, qoldanystaǧy şeşımderı jäne finteh salasynyŋ damu perspektivalary turaly baiandaidy. Baǧdarlama aiasynda 30 spiker söz söileidı.
Halyqaralyq täjıribenı Amazon Web Services kompaniiasynyŋ generativtı jasandy intellekt pen qarjylyq qyzmetterge arnalǧan AI-agentter salasyndaǧy mamandary, innovasiialyq ekojüielerdı damytuǧa mamandanǧan Plug and Play ökılderı jäne korporativtık analitikaǧa arnalǧan joǧary önımdı derekter platformalaryn äzırleitın Ymatrix sarapşylary ūsynady.
Aita keteiık, alǧaşqy Halyk OIY Tech konferensiiasy 2025 jyly öttı. Onda Halyk SuperApp jäne Onlinebank servisterınıŋ täjıribesınen bastap, auqymdy jüielerdıŋ arhitekturasy men finteh salasynda jasandy intellektını qoldanuǧa deiıngı taqyryptar talqylandy.
Biylǧy konferensiia injenerlık şeşımderdıŋ adamdar men bizneske arnalǧan qolaily servisterge qalai ainalatyny turaly pıkır almasudy jalǧastyrady. Būl IT-mamandar üşın özara täjıribe bölısuge, kürdelı mäselelerdı talqylauǧa jäne jeke jobalaryna jaŋa ideialar tabuǧa mümkındık beredı.
Ötetın künı men uaqyty: 2026 jylǧy 29 qazan. Qatysuşylardy tırkeu saǧat 10:00-de bastalady.
Ötetın orny: Almaty qalasy, Qazaqstan-Britan tehnikalyq universitetı, Töle bi köşesı, 59.
Qatysu tegın. Aldyn ala tırkelu qajet.
Tırkelu sıltemesı: https://halykbank.kz/other/halyk-oiy-tech-2026
