29 قازاندا الماتىدا Halyk OIY Tech ەكىنشى جىل سايىنعى IT-كونفەرەنتسياسى وتەدى، دەپ حابارلايدى “ادىرنا”.
ءىس-شارا قازاقستان-بريتان تەحنيكالىق ۋنيۆەرسيتەتىنىڭ عيماراتىندا باستالىپ، وعان IT, دەرەكتەردى وڭدەۋ، جاساندى ينتەللەكت جانە تسيفرلىق ونىمدەر سالاسىنداعى 500 مامان قاتىسادى دەپ جوسپارلانعان. قوناقتار قاتارىندا قازاقستان رەسپۋبليكاسى پرەمەر-ءمينيسترىنىڭ ورىنباسارى، جاساندى ينتەللەكت جانە تسيفرلىق دامۋ ءمينيسترى جاسلان ماديەۆ، سونداي-اق Visa, Amazon, Plug and Play جانە Ymatrix كومپانيالارىنىڭ سپيكەرلەرى بار.
جاساندى ينتەللەكتىنى بانك اۋقىمىندا قالاي ەنگىزۋگە بولادى؟ تولەم جۇيەلەرى مەن كليەنتتىك تاجىريبە قالاي وزگەرىپ جاتىر؟ قارجىلىق قىزمەتتەردىڭ جاڭا بۋىنىن دامىتۋ ءۇشىن قانداي ينفراقۇرىلىم قاجەت؟ Halyk OIY Tech 2026 كونفەرەنتسياسىندا وسى جانە وزگە دە ماسەلەلەر تالقىلانادى.
كونفەرەنتسيانىڭ نەگىزگى يدەياسى – باستاۋلاردان تسيفرلىق داۋىرگە دەيىنگى دامۋ جولىن كورسەتۋ. Halyk ماماندارى مەن شاقىرىلعان ساراپشىلار بانكتىڭ تەحنولوگيالارى، قولدانىستاعى شەشىمدەرى جانە فينتەح سالاسىنىڭ دامۋ پەرسپەكتيۆالارى تۋرالى باياندايدى. باعدارلاما اياسىندا 30 سپيكەر ءسوز سويلەيدى.
حالىقارالىق تاجىريبەنى Amazon Web Services كومپانياسىنىڭ گەنەراتيۆتى جاساندى ينتەللەكت پەن قارجىلىق قىزمەتتەرگە ارنالعان AI-اگەنتتەر سالاسىنداعى ماماندارى، يننوۆاتسيالىق ەكوجۇيەلەردى دامىتۋعا ماماندانعان Plug and Play وكىلدەرى جانە كورپوراتيۆتىك اناليتيكاعا ارنالعان جوعارى ءونىمدى دەرەكتەر پلاتفورمالارىن ازىرلەيتىن Ymatrix ساراپشىلارى ۇسىنادى.
ايتا كەتەيىك، العاشقى Halyk OIY Tech كونفەرەنتسياسى 2025 جىلى ءوتتى. وندا Halyk SuperApp جانە Onlinebank سەرۆيستەرىنىڭ تاجىريبەسىنەن باستاپ، اۋقىمدى جۇيەلەردىڭ ارحيتەكتۋراسى مەن فينتەح سالاسىندا جاساندى ينتەللەكتىنى قولدانۋعا دەيىنگى تاقىرىپتار تالقىلاندى.
بيىلعى كونفەرەنتسيا ينجەنەرلىك شەشىمدەردىڭ ادامدار مەن بيزنەسكە ارنالعان قولايلى سەرۆيستەرگە قالاي اينالاتىنى تۋرالى پىكىر الماسۋدى جالعاستىرادى. بۇل IT-ماماندار ءۇشىن ءوزارا تاجىريبە بولىسۋگە، كۇردەلى ماسەلەلەردى تالقىلاۋعا جانە جەكە جوبالارىنا جاڭا يدەيالار تابۋعا مۇمكىندىك بەرەدى.
وتەتىن كۇنى مەن ۋاقىتى: 2026 جىلعى 29 قازان. قاتىسۋشىلاردى تىركەۋ ساعات 10:00-دە باستالادى.
وتەتىن ورنى: الماتى قالاسى، قازاقستان-بريتان تەحنيكالىق ۋنيۆەرسيتەتى، تولە بي كوشەسى، 59.
قاتىسۋ تەگىن. الدىن الا تىركەلۋ قاجەت.
تىركەلۋ سىلتەمەسى: https://halykbank.kz/other/halyk-oiy-tech-2026
