«سەنىمەن بولاشاق» رەسپۋبليكالىق اتا-انالار قوعامدىق بىرلەستىگى مەن قىزىلوردا وبلىسى اكىمدىگىنىڭ ۇيىمداستىرۋىمەن ەلىمىزدەگى اتا-انالار قوعامداستىعى ارقىلى سانالى اتا-انا مادەنيەتىن قالىپتاستىرۋ ماقساتىندا قىزىلوردا قالاسىندا «اتا-انا-ۇستاز-وقۋشى: بولاشاققا باعىتتالعان ىنتىماقتاستىق» اتتى ايماقتىق اتا-انالار فورۋمىن وتكىزدى.
فورۋمنىڭ ماقساتى – بالانىڭ كەمەل ادام بولىپ قالىپتاسۋىندا اتا-انانىڭ ءرولىن ايقىنداۋ. سونىمەن قاتار ەلىمىزدە كوپ تالقىلاناتىن تاقىرىپتىڭ ءبىرى – پەداگوگ ستاتۋسى مەن مۇعالىمنىڭ الەۋمەتتىك جاعدايىنىڭ جاقسارۋىنا ءۇن قوسۋ.
اۋقىمدى ءىس-شاراعا تىركەلۋ وففلاين-ونلاين تۇردە جۇزەگە اسىرىلدى.
فورۋم ءۇش بولىمنەن تۇردى: پلەنارلىق وتىرىس، بالا تاربيەسىنە قاتىستى سەمينار-ترەنينگتەر،
اتا-انالارمەن سۇحبات.
فورۋم جۇمىسىنا قر پارلامەنتى ءماجىلىسىنىڭ دەپۋتاتى ساياسات نۇربەك، قر اقپارات جانە قوعامدىق دامۋ مينيسترلىگى جاستار جانە وتباسى ىستەرى كوميتەتى توراعاسىنىڭ ورىنباسارى دامير ءجۇنىسوۆ، قىزىلوردا وبلىسى اكىمىنىڭ ورىنباسارى بالجان شامەنوۆا، قىزىلوردا وبلىستىق ءماسليحاتىنىڭ حاتشىسى ناۋرىزباي بايقاداموۆ، نۇركەن اسانوۆ – «سەنىمەن بولاشاق» رەسپۋبليكالىق اتا-انالار قوعامدىق بىرلەستىگىنىڭ قۇرىلتايشىسى، قوعام قايراتكەرى نۇركەن اسانوۆ، اتا-انالار، ۇكىمەتتىك ەمەس ۇيىمدار جانە ت.ب. قاتىستى.
شارانىڭ پلەنارلىق وتىرىسىن «سەنىمەن بولاشاق» رەسپۋبليكالىق اتا-انالار قوعامدىق بىرلەستىگىنىڭ توراعاسى راقىمبەك جولاەۆ جۇرگىزىپ وتىردى.
سونىمەن قاتار، قاتىسۋشى اتا-انالار مەن قوناقتارعا تاقىرىپتىق سپيكەرلەردىڭ قاتىسۋىمەن تومەندەگىدەي سەمينار-ترەنينگتەر وتكىزدى:
1) بالا تاربيەسىندەگى ەكسپەرت-مامان، پەداگوگ ەلجاس ەرتايۇلى «باقىتتى بالا حيمياسى» تاقىرىبىندا;
2) «سەنىمەن بولاشاق» رەسپۋبليكالىق اتا-انالار قوعامدىق بىرلەستىگى تۇركىستان وبلىستىق فيليالىنىڭ ديرەكتورى اقبايان جاكيپوۆا «بۋللينگ جəنە كيبەربۋللينگتى بولدىرماۋدا اتا-انانىڭ ءرولى» تاقىرىبىندا;
3) قورقىت اتا اتىنداعى قىزىلوردا ۋنيۆەرسيتەتىنىڭ پروفەسسورى رابيعا يگەنباەۆا «ەركىن تəربيە: پروبلەمالار مەن شەشۋ جولدارى» تاقىرىبىندا ءوز ويلارىمەن ءبولىستى.
شارا سوڭىندا ساراپشى ماماندار اتا-انالاردىڭ سۇراقتارىنا جاۋاپ بەرىپ، كەرى بايلانىس جۇمىستارىن جۇرگىزەدى. شاراعا ەلىمىزدىڭ بارلىق وبلىستارىنان زۋم پلاتفورماسى ارقىلى اتا-انالار قاتىستى.
"ادىرنا" ۇلتتىق پورتالى
