«Senimen Bolashaq» Respýblıkalyq ata-analar qoǵamdyq birlestigi men Qyzylorda oblysy ákimdiginiń uıymdastyrýymen elimizdegi ata-analar qoǵamdastyǵy arqyly sanaly ata-ana mádenıetin qalyptastyrý maqsatynda Qyzylorda qalasynda «Ata-ana-ustaz-oqýshy: bolashaqqa baǵyttalǵan yntymaqtastyq» atty aımaqtyq ata-analar forýmyn ótkizdi.
Forýmnyń maqsaty – Balanyń kemel adam bolyp qalyptasýynda ata-ananyń rólin aıqyndaý. Sonymen qatar elimizde kóp talqylanatyn taqyryptyń biri – pedagog statýsy men muǵalimniń áleýmettik jaǵdaıynyń jaqsarýyna ún qosý.
Aýqymdy is-sharaǵa tirkelý offlaın-onlaın túrde júzege asyryldy.
Forým úsh bólimnen turdy: Plenarlyq otyrys, Bala tárbıesine qatysty semınar-trenıngter,
Ata-analarmen suhbat.
Forým jumysyna QR Parlamenti Májilisiniń depýtaty Saıasat Nurbek, QR Aqparat jáne qoǵamdyq damý mınıstrligi jastar jáne otbasy isteri komıteti tóraǵasynyń orynbasary Damır Júnisov, Qyzylorda oblysy ákiminiń orynbasary Baljan Shamenova, Qyzylorda oblystyq máslıhatynyń hatshysy Naýryzbaı Baıqadamov, Nurken Asanov – «Senimen Bolashaq» Respýblıkalyq ata-analar qoǵamdyq birlestiginiń quryltaıshysy, qoǵam qaıratkeri Nurken Asanov, ata-analar, úkimettik emes uıymdar jáne t.b. qatysty.
Sharanyń plenarlyq otyrysyn «Senimen Bolashaq» Respýblıkalyq ata-analar qoǵamdyq birlestiginiń tóraǵasy Raqymbek Jolaev júrgizip otyrdy.
Sonymen qatar, qatysýshy ata-analar men qonaqtarǵa taqyryptyq spıkerlerdiń qatysýymen tómendegideı semınar-trenıngter ótkizdi:
1) Bala tárbıesindegi ekspert-maman, pedagog Eljas Ertaıuly «Baqytty bala hımııasy» taqyrybynda;
2) «Senimen Bolashaq» Respýblıkalyq ata-analar qoǵamdyq birlestigi Túrkistan oblystyq fılıalynyń dırektory Aqbaıan Jakıpova «Býllıng jəne kıberbýllıngti boldyrmaýda ata-ananyń róli» taqyrybynda;
3) Qorqyt ata atyndaǵy Qyzylorda ýnıversıtetiniń professory Rabıǵa Igenbaeva «Erkin tərbıe: problemalar men sheshý joldary» taqyrybynda óz oılarymen bólisti.
Shara sońynda sarapshy mamandar ata-analardyń suraqtaryna jaýap berip, keri baılanys jumystaryn júrgizedi. Sharaǵa elimizdiń barlyq oblystarynan zým platformasy arqyly ata-analar qatysty.
"Adyrna" ulttyq portaly
