Qyzylordada Koreiadan investor tartylyp, qoqysty qaita öŋdeu zauyty salynbaq

Memleket basşysy Qasym-Jomart Toqaevtyŋ bastamasymen jüzege asyrylyp jatqan «Taza Qazaqstan» respublikalyq ekologiialyq aksiiasy Syr öŋırınde qarqyndy türde jalǧasuda. Aksiia aiasynda saiabaqtar, skverler men alleialar aumaqtaryn abattandyru, qoqystardan tazartu, aǧaş otyrǧyzu syndy jūmystar belsendı jürgızıldı.

Qyzylorda oblysy äkımdıgınıŋ «Ülgılı eldı meken» konkursy 

Memleket basşysynyŋ «Auyldyq aumaqtardy damytu turaly» tapsyrmasyna säikes, oblystaǧy eldı mekender arasynda tazalyqqa, körkeitu kögaldandyruǧa, abattandyruǧa baǧyttalǧan «Ülgılı eldı meken» oblystyq konkursy dästürlı türde jyl saiyn ötkızılude. Baiqau tuǧan ölkenı jasyl-jelekke ainaldyryp, tabiǧatty aialauǧa jäne ekologiianyŋ jaqsaruyna öz ülesın qosatyn äleumettık maŋyzy bar erekşe joba. 2023 jyly konkurs 2 märte köktem jäne küz ailarynda ötkızılıp, oblystyq biudjetten 1 mlrd teŋgege juyq qarjy bölındı. Auyldyq aimaqtarǧa qajettı arnaiy tehnikalar qaldyq tasymaldauşy kölıgı, jol tazalaǧyş, jer qazuşy, tiegış traktorlar, assenizator maşinasy, jük tasymaldauşy kölıgı sekıldı 29 tehnika jeŋımpaz eldı mekenderge tabystaldy. Alǧaş ret ötkızılgen köktemgı konkursqa 7 audan ortalyǧy, 24 auyl qatysyp, «Ülgılı audan ortalyǧy» nominasiiasy boiynşa 3 audan ortalyǧyna jäne «Ülgılı auyl» nominasiiasy boiynşa 3 auylǧa arnaiy kommunaldyq tehnikalar tabystaldy. Küzgı konkursta da osyndai talaptarǧa sai jeŋımpazdar anyqtaldy. Biylǧy jyly da konkurs jalǧasyn tauyp, oblystyq biudjetten 436 mln teŋge bölındı. Oǧan 19 tehnika satyp alynyp, konkurs jeŋımpazdaryna tabystalatyn bolady. Qazırgı taŋda konkursqa qatysuşy eldı mekenderdıŋ qūjattary jinaqtaluda. Konkurs «Ülgılı audan», «Ülgılı auyl» jäne «Ülgılı eldı meken» nominasiialary boiynşa ötkızıledı. «Ülgılı eldı meken» nominasiiasy boiynşa är audannan 1 jeŋımpaz eldı meken anyqtalady jäne olarǧa abattandyru jobalaryn qarjylandyruǧa oblystyq biudjetten 15 mln teŋgeden berıledı. «Ülgılı audan» nominasiiasyna audandardaǧy kentter men qalalar, «Ülgılı auyl» nominasiiasyna tırek jäne serıktes eldı mekender, «Ülgılı eldı meken» nominasiiasyna tırek jäne serıktes eldı mekenderden basqa, eldı mekender qatysady.

Qyzylorda qalasy äkımdıgınıŋ «Üzdık aula» konkursy

Qyzylorda qalasynda «Üzdık aula» nominasiiasy boiynşa jyl saiyn dästürlı türde konkurs ūiymdastyrylyp keledı. Ötken jyly qala äkımdıgınıŋ ūiymdastyruymen ötken konkurs nätijesımen Qyzylorda qalasy, Abdrahmanov köşesındegı №19 köpqabatty üidıŋ aulasy «Üzdık aula» nominasiiasynyŋ jeŋımpazy atandy. Köpqabatty üidıŋ atalmyş nominasiianyŋ jeŋımpazy atanuyna osy üidıŋ tūrǧyny, zeinetker Berdıqoja Kenjebaevtyŋ ülesı zor. Ol öz küşımen köpqabatty tūrǧyn üidıŋ aulasyna soŋǧy jyldary 100-ge juyq aǧaş otyrǧyzyp, aulanyŋ jasyl jelekke ainaluyna septıgın tigızdı.

Qyzylorda qalasyndaǧy qoqys öŋdeu poligony

Qyzylorda qalasy aumaǧyndaǧy qoqys poligonyna Koreia Respublikasynan investor tartylyp, qoqysty qaita öŋdeu zauytyn salu josparlanuda. Bügıngı taŋda oŋtüstık koreialyq investormen Qyzylorda oblysy äkımdıgı tarapynan memorandumǧa qol qoiylyp, tiıstı qūjattar äzırlenude. Zauytqa 8 mlrd teŋge şamasynda qarjy salynyp, jylyna 300 myŋ tonna qaldyq sūryptalyp, qaita öŋdeletın bolady. Nysan 2025 jyldyŋ II toqsanyna paidalanuǧa berıledı dep kütılude

«Qyzylorda tazalyǧy» mekemesı

Bügınde Qyzylorda qalasynyŋ tazalyǧy men abattandyryluyna jauapty «Qyzylorda tazalyǧy» mekemesı ekı auysymmen jūmys atqaruda. Tazalyq jūmystaryna bır mezette 75 arnaiy tehnika men 200-den astam jūmysşy şyǧarylady. Soŋǧy 2 jylda mekemenıŋ materialdyq-tehnikalyq bazasyn jaŋǧyrtu maqsatynda 2 mlrd 153 mln teŋge bölınıp, oǧan qajettı tehnikalar alyndy. Aita ketu kerek, kommunaldyq salanyŋ jūmysşylaryna qoldu bıldıru maqsatynda olarǧa qoǧamdyq kölıkterde tegın jüru qarastyrylǧan jäne jylyna bır ret şipajailarǧa tegın joldama berıledı. Būdan bölek, qalany kögaldandyru jūmystaryna qatysty biylǧy jyldyŋ basynda qalada arnaiy «Jasyl Qyzylorda» kommunaldyq memlekettık mekemesı qūrylyp, qaladaǧy ortalyq köşeler, skver, alleialardy körkeitu men qalanyŋ kögaldandyru jūmystaryn jürgızude.

«Jasyl el» eŋbek jasaqtary

Bügın öŋırde respublikalyq «Taza Qazaqstan» jalpyūlttyq ekologiialyq aksiiasy aiasynda «Jasyl el» jastar eŋbek jasaqtarynyŋ kezektı eŋbek mausymynyŋ aşylu saltanaty öttı. Şaraǧa eŋbekşı jastarmen qatar, volonterler, qala tūrǧyndary qatysty. «Jasyl el» qozǧalysy jastardy eŋbekke baulyp qana qoimai, ortaq ideialar töŋıregınde toptastyruda. Jastardy ırıkteu kezınde halyqtyŋ äleumettık osal toptarynan şyqqan balalarǧa özderın körsetuge, demalys kezeŋınde qosymşa tabys tabuyna nazar audarylyp keledı. «Jasyl el» jobasy aiasynda biyl 1871 jas mausymdyq jūmyspen, ornalastyru, qajettı ekipirovkamen, belgılengen mölşerde eŋbekaqymen qamtamasyz etıledı. Qozǧalys müşelerımen oblys kölemınde ornalasqan mädeni-demalys oryndarynda, alleia, skver, alaŋdar men parkterderde kögaldandyru, aumaqtardy qoqystan tazalau şaralary atqarylady. Bügıngı şarada 100-ge juyq eŋbekşı jastar Qyzylorda qalasyndaǧy «B.Şökenov saiabaǧynda» tazalau, syrlau, äkteu jūmystaryn jürgızıp, respublikalyq «Taza Qazaqstan» jalpyūlttyq ekologiialyq aksiiasyna öz ülesterın qosty. Aita ketu kerek, Memleket basşysynyŋ bastamasymen jüzege asyrylǧan ekologiialyq aksiiaǧa barlyǧy 191 myŋnan asa erıktıler, qoǧam qairatkerlerı, biudjet salasy men käsıporyn qyzmetkerlerı qatysty. Nätijesımen, 8 myŋ tonnadan (8426) astam qoqys qaldyqtary şyǧarylyp, eldı mekenderdegı 505 skverler men parkter, 225 tarihi mädeni eskertkışter, 791 äleumettık nysandar, 1130 önerkäsıp jäne biznes nysandary, 289 su obektılerı, 24 445 aulalar men köşelerdıŋ boiy tazartylyp, 900-ge juyq tehnika jūmyldyrylyp, 129 myŋnan asa (129 358) öŋırdıŋ klimatyna säikes jersınetın qaraǧaş, terek jäne syrtalynyŋ köşetterı egıldı.