Botanikalyq saiabaqta oblys äkımı Mūrat Ergeşbaevtyŋ qatysuymen «Taza Qazaqstan» respublikalyq ekologiialyq baǧdarlamasy aiasyndaǧy keŋ kölemdı tazalyq aksiiasy öttı.
Auqymdy aksiiaǧa oblys boiynşa 17694 adam qatysty. Olardyŋ qatarynda ziialy qauym ökılderı, oblystyq mäslihat deputattary, basqarma, departament jäne inspeksiia basşylary, «AMANAT» partiiasynyŋ ökılderı, memlekettık mekeme qyzmetkerlerı, jastar ūiymdary men ekobelsendıler boldy.
«Memleket basşymyz Qasym-Jomart Kemelūly: «Tazalyq – örkeniettı qoǧamnyŋ ainasy, damuǧa ūmtylǧan kez kelgen eldıŋ myzǧymas ūstanymy»,- degen bolatyn.
Qorşaǧan ortany qorǧau, ony kütıp ūstau tek memlekettıŋ ǧana emes, är azamattyŋ mındetı jäne qoǧamnyŋ ortaq negızgı qūndylyqtardyŋ bırı boluy tiıs.
Öŋırımızde sanitarlyq tazalyq, abattandyru, tūrǧyndardyŋ ömır süruıne qolaily jaǧdai jasau baǧytynda keşendı jūmystar qarqyndy jürude.
Qyzylorda qalasyndaǧy ortalyq alaŋ, qalalyq mädeni-demalys parkı jäne Qorqyt ata skverı, bügıngı şaramyz ötıp jatqan Botanikalyq saiabaq qaita jaŋǧyrtylyp, paidalanuǧa berıldı.
Öŋırımızde dizain kod bekıtılıp, oblys ortalyǧynan bastap barlyq eldı mekender bıregei arhitekturalyq talaptarǧa säikestendırıldı.
Oblys ortalyǧyndaǧy 80-nen asa eskı köpqabatty tūrǧyn üidıŋ qasbetterı zamanaui panelmen qaptaldy.
Biyl da būl jūmystar jalǧasyn tauyp, qosymşa 21 tūrǧyn üi jaŋǧyrtudan ötude»,- dedı aimaq basşysy.
Is-şarada qorşaǧan ortany qorǧauǧa jäne tazalyq jūmystaryn tūraqty jürgızuge üles qosqan 100 qyzmetker marapattaldy. Ekologiialyq infraqūrylymdy nyǧaitu maqsatynda salalyq mekemelerge 26 arnaiy tehnika tabystaldy. Onyŋ ışınde qaldyq tasymaldauşy kölıkter, ört söndıru tehnikalary, traktorlar jäne kışı ört söndıru keşenderı bar.
Botanikalyq saiabaq aumaǧy kögaldandyrylyp, 500 tüp qylqan japyraqty aǧaş otyrǧyzyldy. Būl jūmystar öŋırdı jasyl jelekke böleuge, aua sapasyn jaqsartuǧa jäne qala tūrǧyndary üşın qolaily ekologiialyq orta qalyptastyruǧa baǧyttaldy.
«Taza Qazaqstan» baǧdarlamasy şeŋberınde oblystyŋ barlyq eldı mekenınde bır mezgılde auqymdy senbılık jäne abattandyru jūmystary ūiymdastyryldy.
Oblys äkımı Botanikalyq baq aumaǧynda ornalasqan Qorqyt ata atyndaǧy Qyzylorda universitetınıŋ bastamasymen qolǧa alynǧan jylyjai jūmysymen tanysyp, oqytuşylarymen pıkır almasty.
Jylyjaida kökönıs ösırıledı.
Aita ketu kerek, jyl basynan berı öŋırdegı ekologiialyq şaralarǧa 121 992 adam, iaǧni erıktıler, qoǧam qairatkerlerı, biudjet salasynyŋ jäne käsıporyn qyzmetkerlerı belsene qatysty.
Osy uaqyt aralyǧynda 3 030 tonnaǧa juyq tūrmystyq qaldyq şyǧarylyp, 3 367 skver men park, 256 tarihi-mädeni eskertkış, 1 019 äleumettık nysan, 669 önerkäsıp jäne biznes nysany, 210 su obektısı jäne 5 383 köşe boiy tazartyldy. Būl jūmystarǧa 548 arnaiy tehnika jūmyldyryldy.
Sonymen qatar, jyl basynan berı oblys aumaǧyna jergılıktı klimatqa beiımdelgen 88 567 tüp aǧaş köşetı otyrǧyzyldy. Olardyŋ qatarynda qaraǧaş, terek, Syr taly jäne basqa da köşet türlerı bar.
Bügıngı aksiia – öŋırdegı ekologiialyq mädeniettı damytuǧa, tabiǧatty qorǧaudy jüielı jolǧa qoiuǧa jäne tūrǧyndardyŋ qorşaǧan ortaǧa degen jauapkerşılıgın arttyruǧa baǧyttalǧan maŋyzdy bastama
