Atalǧan bastama qorşaǧan ortany qorǧau mädenietın qalyptastyruǧa, ekologiialyq jauapkerşılıktı arttyruǧa jäne azamattardy, äsırese jastardy tabiǧatty aialauǧa, tazalyqty saqtauǧa baǧyttaldy. Is-şara qoǧamda ekologiialyq sanany nyǧaityp, tuǧan jer tabiǧatyna degen janaşyrlyq közqarasty qalyptastyrudy közdedı.
«ECORace» şarasy Balqaş kölınıŋ jaǧalauynda ötıp, köpşılıktıŋ belsendı qatysuymen erekşelendı. Şara barysynda arnaiy belgılengen start nüktesınde qatysuşylarǧa ekologiialyq aksiianyŋ maqsaty men maŋyzdylyǧy keŋınen tüsındırılıp, qajettı qūraldarmen tolyq qamtamasyz etıldı. Ärbır qatysuşyǧa qolǧaptar men qoqys jinauǧa arnalǧan arnaiy qaptar salynǧan qaptar tabystaldy.
Qatysuşylar belgılengen baǧyt boiynşa ūiymşyldyqpen qozǧalyp, köl jaǧalauy men jol boiyndaǧy qoqystardy jinap, olardy finiş nüktesıne jetkızıp tapsyrdy. Nätijesınde, avtomobil joly men jaŋalaudyŋ boiy aitarlyqtai tazartylyp, qorşaǧan ortanyŋ jaǧdaiyn jaqsartuǧa naqty üles qosyldy.
Tabiǧatty qorǧauǧa degen ortaq ūmtylys, bırlık pen yntymaqtastyq ıs-şaranyŋ basty jetıstıkterınıŋ bırıne ainaldy. Qatysuşylar özderınıŋ tuǧan jerıne degen janaşyrlyǧyn ıs jüzınde körsetıp, ekologiialyq mädeniettıŋ maŋyzdylyǧyn taǧy bır däleldedı.
- Būl şara qorşaǧan ortany qorǧau tek bır rettık aksiia emes, ärbır azamattyŋ kündelıktı ömır saltyna ainaluy tiıs ekenın aiqyndaǧan maŋyzdy bastama boldy. Sonymen qatar, joba demalys aimaqtaryn taza ūstauǧa, tabiǧatty qūrmetteuge jäne ekologiialyq mädeniettı damytuǧa baǧyttaldy. «ECORace» ekologiialyq şarasy «Taza Qazaqstan» ideologiiasyn keŋınen därıptep, qoǧamda ekologiialyq jauapkerşılıktı arttyruǧa jäne tūraqty ekologiialyq mädeniettı qalyptastyruǧa eleulı üles qosty, – dep atap öttı Jetısu oblysy boiynşa «Qazaqstan studentterınıŋ aliansy» ombudsmenı Qyzaibai Aqerke Dosymhanqyzy.
