Prezidenttıŋ «Halyqtyq qūrylys» baǧdarlamasy aiasynda Jetısu oblysynda kelesı jyly auqymdy qūrylys jūmystary jürgızılıp, bırqatar ırı jobalar jüzege asyrylady. Olardyŋ qatarynda mädeniet salasynyŋ nysandary da bar. Atap aitqanda, Taldyqorǧanda Kreativ ortalyǧynyŋ qūrylysy aiaqtaluǧa jaqyn. Kelesı jyly jaŋa muzei ǧimaraty salyna bastaidy. Al qazırgı muzei ǧimaraty qaita jaŋǧyrtylyp, onda Halyq şyǧarmaşylyǧy ortalyǧy ornalasady. Būl turaly oblys äkımı Beibıt İsabaev oblys ortalyǧyndaǧy qūrylys alaŋdaryn aralau barysynda aitty, – dep habarlaidy Jetısu oblysy äkımınıŋ baspasöz qyzmetı.
Qazırgı uaqytta Kreativ ortalyǧy ǧimaraty paidalanuǧa beruge daiyn.
Beibıt İsabaev atap ötkendei, ǧimaratty qaita jaŋǧyrtu kezınde qasbetın qaptauǧa erekşe köŋıl bölıngen. Materialdar sapasy men tözımdılıgı, sondai-aq estetikalyq tartymdylyǧy eskerıle otyryp taŋdalǧan. Sonyŋ nätijesınde ǧimarattyŋ zamanaui ärı körnektı kelbetı qalyptasty. Sonymen qatar oblys äkımı jauapty tūlǧalarmen Kreativ ortalyǧy ǧimaratyndaǧy maŋdaişalardyŋ stilı men dizainyn talqylady, dizain jaŋartylǧan qasbettıŋ jalpy kelbetımen üilesuı tiıs ekenın aitty.
-Memleket basşysy jariialaǧan «Halyqtyq qūrylys» baǧdarlamasy aiasynda kelesı jyly Jetısu oblysynda auqymdy qūrylys jūmystary jürgızılıp, bırqatar ırı infraqūrylymdyq jobalar jüzege asyrylady. Jaŋa muzei ǧimaratynyŋ qūrylysyn bastaimyz, onyŋ ışınde balalar muzeiı de bolady. Al qazırgı muzei ǧimaratyna jaŋǧyrtu jūmystaryn jürgızıp, Halyq şyǧarmaşylyǧy ortalyǧyn aşamyz. Mūnyŋ bärı zamanaui sifrlyq tehnologiialar men jasandy intellektını engızu arqyly jüzege asyrylady. Sondai-aq biyl 100 jyldyq mereitoiyn atap ötıp otyrǧan Däneş Raqyşevtyŋ atyndaǧy oblystyq filarmoniia ǧimaratynyŋ qasbetın jaŋartudy josparlap otyrmyz. Al Kreativ ortalyǧyn jaqyn arada paidalanuǧa beremız. Mūnda jastardyŋ özın-özı damytuyna barlyq jaǧdai jasalǧan. Olar öz jobalarymen tegın jūmys ıstep, startaptaryn damytyp, ideialaryn jüzege asyra alady, – dedı B. İsabaev.
Atap ötsek, «Samūryq-Qazyna» qorynyŋ qoldauymen Körkemsuret galereiasynyŋ bazasynda qūrylǧan Kreativ ortalyǧy qolönerşılerge, biznes ökılderıne, jas startaperlerge arnalǧan. Ortalyq şyǧarmaşylyqqa, bılım aluǧa jäne jaŋa IT-tehnologiialardy damytuǧa baǧyttalǧan qalalyq kreativtı industriialar keŋıstıgıne ainalmaq. Sonymen qatar Körkemsuret galereiasy ǧimarattyŋ üşınşı qabatynda jūmysyn jalǧastyrady.
