Qoǧam belsendısı, Äulieata öŋırınıŋ tumasy Jasūlan Äbdıhalyq Qordaidaǧy keleŋsızdıkterdı jariialap, şekaradaǧy şielenısken mäselenı alǧa tartty, dep habarlaidy "Adyrna" ūlttyq portaly. Onyŋ aituynşa, Şyntasov esımdı käsıpker şekara tübınde öz käsıbın döŋgeletıp, zaŋdy belşesınen basqan. Däuletı asqan azamattyŋ şekara tüsınde salǧan ǧimaraty el aralyq qatynasta yŋǧaisyzdyq tudyryp otyr.
"Myna tömendegı videodaǧy ǧimarat keşe men jazǧan Şyntasov degen däudıkı. Älgı, halyqtyŋ jerın tartyp alyp paiyn bermei zaŋ eŋıretıp jürgen qarabai! Eşkımnen rūqsat almastan däl keden beketı ornalasqan şekaranyŋ tübıne qonaq üi, kafesımen salyp tastaǧan. Salynǧan ǧimarattyŋ syrtyn ainala qorşap tastaǧan. Onsyz da at ainalyp jüre almaityn jerde ūzyn-sonar kezek! Keptelıp qalǧan kölıkter! Al, Şyntasovqa bärıbır. Prokuroryŋa da, sotyŋa da pysqyryp qaramaǧan. Al endı būl jer sottyŋ şeşımımen būzylǧaly jatyr. Kınäsyn moiyndap, alystau jerden ǧimarat soǧaiyn degen käsıpker joq!" - dep jazdy tuǧan öŋırınıŋ janaşyry.
Avtor keiınnen şekara tübınde bolyp jatqan şielenıstı surettep, şiryqqan Şyntasovtyŋ äreketın synǧa aldy.
- Şyntasov qaita küşenıp, bilıkke ultimatum qoiyp otyr. Eger de deidı, ǧimaratymdy snosqa jıberseŋder, halyqty jiyp mitingıge şyǧamyn, Toqaevqa qarsylyǧymdy bıldıremın, bunt köteremın. Būǧan kım ılesedı, zaŋsyz soǧylǧan ǧimaratty qiratty dep kım köşege şyǧady deseŋder, qatty qatelesemız. Bükıl Qordaidyŋ biznes nysandary Şyntasovtardyŋ qolynda. Tömendegı surettegı bazar, dükender, därıhanalar, butikter, kafeler, zapravkalar! Būlardyŋ barlyǧynda arenda tölep adamdar näpaqasyn tauyp, künın körıp otyr. Köşege şyqsaŋdar arendanyŋ baǧasyn tüsıremın, şyqpasaŋdar köteremın dese jetıp jatyr. Kreditte otyrǧan baiqūs saudagerler ylajsyz köşege şyǧady, - dep jazdy ol.
Jasūlan Äbdıhalyqtyŋ közqarasynda Qordai aimaǧy şyrpy tise, şyrt janatyn audan. Şyntasov ısı şıderlenbese, soŋy ūltarazdyq qaqtyǧystarǧa ūlasuy bek mümkın. Jazba avtory öz oiyn kelesıdei jalǧady:
"Sondyqtan Şyntasovtardan qorqu kerek! Mūndai bailar memleketke öte qauıptı! Ūlttyq qauıpsızdık qyzmetı qazırden aldyn-almasa, şekaranyŋ tübınen mūndai bunt şyqsa, arǧy jaǧy ūltarazdyq dauǧa ūlasyp şielenısıp ketedı. Qordai degen şyrpy tise şyrt etkelı tūrǧan şekaradaǧy qiyn aimaq. Sondyqtan Üisımbaev siiaqty ideologsymaqtar köleŋkelı kabinette otyra bermei baryŋdar, söilesıŋder, retteŋder! Änşeiınde FB-da jazǧandy sotqa süirep jürsıŋder. Al miting jasaimyn dep ırıtkı salyp otyrǧan Şyntasovqa şamalaryŋ jeter me eken köreiın. Erteŋ keş bolady!" - dedı J. Äbdıhalyq.
Däuletı tasqan azamat Şyntasovtyŋ būl äreketın jelıde jaqsyǧa balap jatqandar joq. Jelı qoldanuşylary būl haqynda:
"Strategiialyq maŋyzy bar obektını bazar qyp jıbergen kök qaǧazdyŋ küşı ǧoi", "Osyndailarǧa rizamyn, qalai közderı baqyraiyp, eldı äbıgerge salyp qoiyp, özderınıŋ tırşılıgın jasai beredı eken. Ne degen qūdıret?", "Pah şırkın, ne degen bailyq, ne degen toiymsyzdyq", "Jalpy halyqtyŋ kökeiıne qonbaityn mäseleler qordalandy. Bügıngı taŋda solardyŋ bırı jer mäselesı. Al jer jer dauyna kelgende halyqtyŋ tözımdılıgın synauǧa bolmaidy. Halyqtyŋ jüikesın tozdyrmau kerek. Halyq däl jer sekıldı qozǧalmaidy, qozǧalsa qatty qozǧalady. Sondyqtan Şyntasov myrzaǧa aitarym "Daraq bır jerde tūryp kögeredı". El arasyna ırıtkı salmai, mämılege kelgenı jön", "Halyqtyŋ jerı öz menşıgıne qaitarylu kerek, äkımnıŋ ädılet jolyndaǧy küresınde qoldau körestemız! Ädıldık ornasyn!", "Mūndai jaǧdai barlyq jerde bar. Äkımdık emes, är öŋırdıŋ bai-baǧlandary bilep töstep otyr" dep jazdy azamattar.
"Adyrna" ūlttyq portaly
Ūqsas jaŋalyqtar
qūrylys
äkımdık
jemqorlyq
aqşa
adyrna
Bailyq
Qordai
qazaqstan bailary
bailar
şekaradaǧy şielenıs
restoran
