Qaŋtar oqiǧasy kezınde Taldyqorǧan halqyna qarsy oq atpai, būiryqty oryndamaǧany üşın qolyna kısen salynyp, aiypty bolǧan būrynǧy Almaty oblysy polisiia departamentınıŋ basşysy Serık Küderbaev sottalǧaly jatyr. Qaŋtar oqiǧasy boiynşa küdıktı dep tanylǧan general-maiordyŋ advokattary sottan ıstı toqtatudy sūrap ötınış joldady, dep habarlaidy "Adyrna" ūlttyq portaly Ekspress K. portalyna sılteme körsete otyryp.
Qaŋtar oqiǧasy kezınde qyzmet ornyn tastap ketken Serık Küdebaevtyŋ mälımdemesı äleumettık jelıde tarady. Küdıktınıŋ qorǧauşylary sot ökılderınen ıstı tolyq toqtatudy jäne general-maiordy qyzmetıne qaitarudy sūrap, ötınış joldaǧan. Qorǧauşylarynyŋ aituynşa, Küdebaev beibıt halyqqa oq atqysy kelmegendıkten osyndai qadamǧa baruǧa mäjbür bolǧan.
View this post on Instagram
"Serık Küdebaev Taldyqorǧandaǧy miting kezınde qatty jaraqat aldy. Onyŋ basyna tas tiıp, qansyrady. Bıraq soǧan qaramastan ol halyqqa oq atqysy kelgen joq. Sondyqtan osyndai şeşımge keldı. Eger ol atuǧa būiryq bergende kemınde 300 adam qaza tabuyşy edı. Sızden osy qylmystyq ıstı toqtatuyŋyzdy sūraimyz. Öitkenı Küdebaev öz qyzmetın adal atqarǧan adam", — dedı PD būrynǧy basşysynyŋ advokattary.Aita keteiık, Serık Küdebaev QK 370 baby 4-bölıgı 1-tarmaǧy (Auyr zardaptarǧa alyp kelgen qyzmettegi äreketsizdik) boiynşa aiypty dep tanylyp otyr. Ol 2020 jyldan 2022 jylǧa deiın Almaty oblysy polisiia departamentınıŋ bastyǧy bolyp jūmys ıstegen.
"Adyrna" ūlttyq portaly
Ūqsas jaŋalyqtar
Qazaqstan
Jetısu oblysy
Taldyqorǧan
qazaq halqy
qaŋtar oqiǧasy
qaŋtar
Qandy qaŋtar
qazaq elı
saiasi özgerıs
