Elımızdıŋ jastary qanşalyqty patriot bolyp ösıp jatyr? Sondai-aq azamattardyŋ otan süigış bolyp tärbielenuı bırlık pen tūraqtylyq qūndylyqtarynyŋ damuyna qalai äser etedı? Osy jäne özge de sūraqtardy jeke käsıpker ärı azamattarǧa qazaq tılın üiretetın Iýliia Lagutkinaǧa qoidyq.
Soltüstık Qazaqstan oblysy Aiyrtau audanyna qarasty Lavrovka auylynyŋ tumasy Iýliia Lagutkinany otanşyl azamat dep aituǧa bolady. 26 jastaǧy azamat memlekettık tıldı meŋgerıp qana qoimai, qazaq tılın özge azamattarǧa üiretıp jür.
«Jalpy patriotizm, bırlık pen tūraqtylyq ol kez kelgen memleket üşın jäne de Qazaqstan azamattary üşın öte maŋyzdy ärı qasiettı maǧynaǧa ie qūndylyq boluy kerek. Patriotizm men bırlık öz elıŋe degen süiıspenşılık, onyŋ mädenietı men tarihyn qūrmetteu sekıldı är azamattyŋ boiynan tabyluy tiıs qūndy qasietter boluy kerek. Al bereke-bırlık qoǧamnyŋ yntymaqtastyqta jūmys ıstep, memleket igılıgı üşın qyzmet etuge ündeuı tiıs.
Sonymen qatar memlekettık rämızderge ūqypty qarap, oǧan qūrmet körsetu de däl sondai azamattarlyŋ qasiettı boryşy boluy kerek. Mäselen änūrannan bastap eltaŋba jäne memlekettık tuymyzǧa airyqşa qūrmet körsetıledı. Mysaly ärtürlı halyqaralyq jarystarda änūran orta joldan üzılse nemese basqa änūran qoiylǧan kezde bızdıŋ sportşylar änūrandy özı aityp şyqqan bırneşe oqiǧa boldy. Būl jastardyŋ memlekettık räsızge erekşe qūrmet körsetetının bıldırse kerek», – deidı ol.
«Qazaq tılın bıluıŋız qoǧamda sızge qandai oŋ yqpalyn tigızdı? Azamattardyŋ memlekettık tıldı bıluı qanşalyqty maŋyzdy?» dep Iýliia Lagutkinaǧa sūraq qoidyq. Jeke käsıpker bügıngı taŋda memlekettık tıldı bılu är azamat üşın ülken maŋyzǧa ie ekenın eskerttı.
«Qazaq tılın bılu eŋ aldymen elımızdıŋ mädenietı men tarihyn jäne ruhani qūndylyqtaryn qūrmetteudıŋ belgısı bolyp sanalady. Qazaq tılın üirenu qoǧamda özıŋdı tolyqqandy azamat retınde sezınınıp, käsıbi türde damuǧa kömektesedı. Sonymen qatar qazaq tılın bılu ūlttyq bırlıktı nyǧaitudyŋ bırden bır faktory bolyp otyr. Memdekettık tıldı meŋgeru arqyly är türlı halyqtar iaǧni, etnostar arasynda jarasymdy tüsınıstık qalyptasyp, qoǧamdaǧy kelısım men tūraqtylyq saqtalady. Köp tıldı bılu maŋyzdy bolǧanymen memlekettık tıldı meŋgeru är azamattyŋ patriottyq boryşy, mındetı dep bılemın jäne ol eldıŋ bolaşaǧyna oŋ ypal etıp, ūlttyq bıregeilıktı saqtap, öskeleŋ jastarǧa memlekettık tıldı amanattap qaldyruǧa tıkelei äser etedı.
Eger bız bügın är qaisysmyz qazaq tılınde söilesek, qazaq tılın bır bırımızge nasihattap, memlekettık tıldıŋ deŋgeiın kötersek onda qazaq tılınıŋ bolaşaǧy zor bolady dep esepteimın. Bügıngı kıp-keşkentai bıldırşınder keiın öskennen keiın qazaqşa sudai söileitın bolady. Kez kelgen memlekettıŋ tılı tırı bolsa, onda onyŋ halqy da tırı bolyp, ösıp örkendeitın bolady. Qazaq tılın bılu qarym-qatynas qūraly ǧana emes, sonymen qatar ol elge degen süiıspenşılık pen qūrmettıŋ aiqyn körınısı der edım. Sol sebeptı qazaq tılın bılsek, būl elımız ben halqymyz üşın köp paidasyn tigızedı.
Būdan bölek halyqaralyq arenada qazaq tılınde söileitın qazaq halqy dep bızdı basqa memleketter tanyp, qūrmetteitın bolady. Eşkım KSRO-nyŋ orys tılınde söileitın azamaty dep aitpaidy. Iаǧni bärımızdı Qazaqstanda qazaq tılınde söileitın azamattar tūrady dep bıledı.
Ūzyn sözdıŋ qysqasy bügıngı taŋda qazaq tılın bılu öte maŋyzdy. Mysaly men qazaq tılınen qazaq pen orystarǧa, tıptı Ukrainadan kelgen azamattarǧa sabaq beremın. Menı Ukraina sekıldı şetelden kelgen azamattardyŋ qazaq tılın üirensem degen qūlşynysy quantady. Soŋǧy kezderı aǧylşyn tılıne emes, kerısınşe qazaq tılıne sūranys köbeiıp jatyr. Būl negızı jaqsy tendensiia dep oilaimyn», – deidı ol.
