«Taza Qazaqstan» respublikalyq ekologiialyq aksiiasy aiasynda oblys aumaǧynda qorşaǧan ortany qorǧau, tazalyq mädenietın qalyptastyru jäne qoǧamdyq oryndardy abattandyru baǧytynda auqymdy ekologiialyq ıs-şaralar öttı. Aksiialar barysynda tūrǧyndar, jastar jäne erıktıler belsendılık tanytyp, tuǧan jerdıŋ tazalyǧyna öz ülesterın qosty.
Taraz qalasyndaǧy «Talas» özenınıŋ jaǧalauynda ötken ekologiialyq aksiia öŋırdegı maŋyzdy tazalyq şaralarynyŋ bırıne ainaldy. Is-şara barysynda özen jaǧalauy tūrmystyq qaldyqtardan tazartylyp, demalys aimaqtary retke keltırıldı. Tabiǧi aumaqtyŋ tazalyǧyn saqtau men ekologiialyq mädeniettı qalyptastyruǧa baǧyttalǧan aksiiaǧa jastar ūiymdary, erıktıler jäne belsendı tūrǧyndar qatysty.
Şara barysynda oblystyq jastar resurstyq ortalyǧy direktorynyŋ orynbasary M. Myrzatai ekologiialyq bastamalardyŋ maŋyzdylyǧyna toqtalyp:
«Taza Qazaqstan» aksiiasy – qorşaǧan ortany qorǧauǧa baǧyttalǧan maŋyzdy bastama. Äsırese, özen-kölderdıŋ tazalyǧy – ekologiialyq qauıpsızdıktıŋ basty kepılı. Talas özenınıŋ jaǧalauyn tazartu arqyly bız tūrǧyndardy tabiǧatty aialauǧa, tuǧan jerge janaşyrlyqpen qarauǧa ündeimız. Mūndai şaralar jastardyŋ ekologiialyq mädenietın qalyptastyryp, qoǧamdaǧy jauapkerşılıktı arttyra tüsedı», – dedı.
Sonymen qatar, Merkı audanyndaǧy Merkı tau şatqalynda «Taza Qazaqstan – jarqyn bolaşaq kepılı», Qordai audanyndaǧy «Emen» ortalyq saiabaǧynda «Tuǧan jerdıŋ tazalyǧy – ärkımnıŋ jauapkerşılıgı», Şu qalasyndaǧy «Temırjolşylar» saiabaǧynda «Tazalyq – ortaq jauapkerşılık», Talas audany Qaratau qalasyndaǧy «Jartas» kölderınde «Taza köl, taza el», sondai-aq Taraz qalasyndaǧy «Jeŋıs» saiabaǧynda «Taza aula» taqyryptarynda ekologiialyq senbılıkter ūiymdastyryldy.
Senbılıkter barysynda qoǧamdyq oryndar men demalys aumaqtary tazartylyp, qoqys qaldyqtary şyǧaryldy. Tabiǧi aumaqtardy qorǧau, kögaldandyru jäne abattandyru jūmystary jürgızılıp, tūrǧyndarǧa tazalyq saqtau men ekologiialyq jauapkerşılıktıŋ maŋyzy tüsındırıldı.
Sonymen qatar, Jualy audanyndaǧy ortalyq saiabaqta «Jasyl Qazaqstan – bızdıŋ taŋdauymyz!» taqyrybynda ekologiialyq aksiia ūiymdastyrylyp, qatysuşylar saiabaq aumaǧyn tazalau jäne kögaldandyru jūmystaryna atsalysty.
Al, Taraz qalasyndaǧy №125 High School bılım oşaǧynda «Taza tabiǧat – ortaq mındet!» atty ekologiialyq kezdesu ötıp, jastar arasynda tabiǧatty qorǧau mädenietın qalyptastyru, qorşaǧan ortaǧa janaşyrlyqpen qarau mäselelerı keŋınen talqylandy.
Jalpy, bügıngı künge «Taza Qazaqstan» aksiiasyna 22,5 myŋnan asa adam jäne 850 käsıporyndar men mekemeler qatysty. Is-şaralar aiasynda 45,9 myŋ jasyl jelekter otyrǧyzylyp, 2,6 myŋ şaqyrym köşe joldary, 810 şaqyrym aryq jüielerı men kanaldar, sondai-aq 615,5 myŋ m² saiabaqtar men skverler aumaqtary tazalandy, 5,2 myŋ tonna kül-qoqys şyǧaryldy.
